Karthi30 : வாரிசு நடிகருக்கு ஹிட் கொடுத்த இயக்குனர்.. அடுத்தப்படத்துக்கு அலேக்காக தூக்கிய கார்த்தி..

டாணாக்காரன் என்ற படத்தின் மூலமாக இயக்குனராக அறிமுகமான தமிழ் இயக்கத்தில் நடிகர் கார்த்திக் நடிகர் போகும் புதிய படத்தின் தகவல் வெளியாகி இருக்கின்றது.

தமிழ் சினிமாவில் வளர்ந்து வரும் நடிகர்களில் ஒரு முக்கியமான இடத்தில் இருப்பது நடிகர் கார்த்திக். வித்தியாசமான கதைகளை தேர்வு செய்து தொடர்ந்து நடித்து வரும் இவர் தற்போது 96 பட இயக்குனர் பிரேம்குமார் இயக்கத்தில் மெய்யழகன் என்ற படத்தில் நடித்து வருகின்றார். இந்த படத்தை சூர்யா ஜோதிகாவின் 2டி என்டர்டைன்மென்ட் நிறுவனம் தயாரிக்கின்றது .

இதற்கிடையில் நலன் குமாரசாமி இயக்கத்தில் வா வாத்தியாரே என்ற படத்திலும் நடித்து வருகின்றார். ஒரே நேரத்தில் இரண்டு படங்களில் மாற்றி மாற்றி நடித்து வருகிறார். இதனை தொடர்ந்து கைவசம் சர்தார் 2, தீரன் அதிகாரம் 2, கைதி 2 உள்ளிட்ட பல்வேறு படங்களில் நடிக்க இருப்பதாக தொடர்ந்து தகவல் வெளியாகி வருகின்றது. மேலும் கார்த்திக்கின் 25 வது படமான ஜப்பான் திரைப்படம் திரையரங்குகளில் வெளியாகி தோல்வியை தழுவியது.

இதனால் அடுத்த படத்தில் மிகவும் கவனமாக கதைகளை தேர்ந்தெடுத்து வருகின்றார். கார்த்திக் வெற்றிமாறனின் உதவி இயக்குனராக பணியாற்றியவர். தமிழ் இவர் இயக்கிய முதல் திரைப்படம் டாணாக்காரன். இந்த திரைப்படத்தில் பிரபுவின் மகனான விக்ரம் பிரபு ஹீரோவாக நடிக்க எம் எஸ் பாஸ்கர், லால் உள்ளிட்ட பல பிரபலங்கள் முக்கிய கதாபாத்திரத்தில் நடித்திருந்தார்கள்.

இந்த திரைப்படம் நேரடியாக ஹாட்ஸ்டார் ஓடிடி தளத்தில் வெளியாகி நல்ல வரவேற்பை பெற்றிருந்தது. இதை தொடர்ந்து தனது இரண்டாவது படத்தை நடிகர் கார்த்திகை வைத்து எடுக்க முடிவு செய்து இருக்கின்றார் தமிழ். மேலும் 1960களில் நடைபெறும் கேங்ஸ்டர் பின்னணியில் கதை உருவாக உள்ளதாக கூறப்படுகின்றது. ட்ரீம் பிக்சர்ஸ் வாரியர் நிறுவனம் இந்த படத்தை தயாரிக்கின்றனர்.

மேலும் இந்த படத்தின் ப்ரீ பிரொடக்சன் பணிகள் தீவிரமாக நடைபெற்று வருவதாகவும் விரைவில் படத்தின் படப்பிடிப்பு தொடங்கும் என்று எதிர்பார்க்கப்படுகின்றது. இயக்குனர் தமிழ் இயக்குனராக மட்டுமில்லாமல் தமிழ் சினிமாவில் ஒரு சில திரைப்படங்களிலும் நடித்திருக்கின்றார். ஜெய் பீம், வடக்குப்பட்டி ராமசாமி உள்ளிட்ட படங்களில் முக்கிய கதாபாத்திரத்தில் நடித்திருக்கின்றார் என்பது குறிப்பிடத்தக்கது.