மணிரத்னத்தோடு இணைந்து படம் இயக்க ஆசைப்பட்ட கமல்ஹாசன்.. நடக்காமல் போன துரதிர்ஷ்டம்- விருமாண்டி உருவான சுவாரஸ்யம்!

தமிழ் சினிமாவில் 65 ஆண்டுகளுக்கும் மேலாக சினிமாவில் இயங்கி வருகிறார். நடிப்பு, இயக்கம், பாடல் பாடுதல், பாடல் எழுதுதல், தயாரிப்பு என ஒரு பல்துறை வித்தகராக வலம் வந்து கொண்டிருக்கிறார். மூன்றாம் பிறை, நாயகன் மற்றும் இந்தியன் ஆகிய மூன்று திரைப்படங்களுக்காக தேசிய விருது பெற்றுள்ளார்.

ஒரு கட்டத்தில் கமல்ஹாசன் நடிப்பு மட்டும் போதாது என முடிவு செய்த கமல்ஹாசன் ஹேராம் திரைப்படத்தை இயக்கி இயக்குனராகவும் கால்பதித்தார். இந்த படம் பரவலான பாராட்டுகளைப் பெற்றாலும் வசூல் ரீதியாக வெற்றி பெறவில்லை. அதனால் கமர்ஷியலாக வெற்றி பெறும் ஒரு படமாக இருக்க வேண்டும் என விருமாண்டி திரைப்படத்தை இயக்கினார்.

அந்த படத்தைப் பற்றி ஒரு சுவாரஸ்யமான தகவலை ஒரு நேர்காணலில் கமல்ஹாசன் பகிர்ந்துள்ளார். 1950 களில் ஜப்பானிய திரை மேதை அகிரா குரசோவா இயக்கத்தில் உருவான ராஷோமான் திரைப்படம் உலகளவில் சினிமா எடுப்பவர்கள் மத்தியில் பாதிப்பை ஏற்படுத்தியது. பலரும் அந்த கதை சொல்லும் பாணியில் ஒரு படத்தை உருவாக்க வேண்டும் என ஆசை கொண்டனர்.

அப்படிதான் கமல் ‘மூ’ என்ற ஒரு திரைக்கதையை எழுதியுள்ளார். அந்த திரைக்கதை மூன்று பாத்திரங்கள் வழியாக கதை சொல்லும் திரைக்கதையாக உருவாக்கியுள்ளார். அந்த படத்தை தானும், மணிரத்னம் மற்றும் சிங்கிதம் சீனிவாசராவ் ஆகிய மூவரும் இணைந்து இயக்க வேண்டும் என ஆசைப்பட்டுள்ளார்.

இது சம்மந்தமாக மணிரத்னத்தை அனுகிய போது மணிரத்னம் “தானும் ராஷோமன் பாதிப்பில் ஆயுத எழுத்து என்று ஒரு படத்தை இயக்க திரைக்கதை எல்லாம் முடித்துவிட்டேன்” எனக் கூறியுள்ளார். அதனால் தன் திரைக்கதையில் சில மாற்றங்களை செய்து இரண்டு பேய் வாயிலாக கதை சொல்லி விருமாண்டி திரைப்படத்தை உருவாக்கியுள்ளார் கமல்ஹாசன். அந்த படத்தை தானே இயக்கி மிகப்பெரிய வெற்றியையும் கொடுத்துள்ளார். மணிரத்னத்தின் ஆயுத எழுத்து திரைப்படமும் அதன் பிறகு ரிலீஸ் ஆனது. ஆனால் அந்த படம் பெரிய அளவில் வெற்றியைப் பெறவில்லை.