90 நாட்கள் அமெரிக்கா செல்லும் கமலஹாசன்.. டெக்னாலஜியை அப்கிரேட் படுத்த உலக நாயகன் எடுக்கும் புது முயற்சி..!

நடிகர் கமலஹாசன் புதிய தொழில்நுட்பத்தை கற்றுக் கொள்வதற்காக அமெரிக்கா செல்ல இருக்கின்றாராம்.

தமிழ் சினிமாவில் உலகநாயகன் என்ற பட்டத்துடன் வலம் வருபவர் கமலஹாசன். சினிமாவில் அனைத்து துறைகளிலும் கை தேர்ந்தவராக திகழும் கமலஹாசன் தற்போது இருக்கும் தலைமுறைக்கு டப் கொடுக்கும் நபர். எந்த ஒரு விஷயமாக இருந்தாலும் அதனை கற்று தெரிந்து கொள்ள வேண்டும் என்று எண்ணக்கூடியவர்.

தமிழ் சினிமாவில் ஏகப்பட்ட புதிய புதிய நுட்பங்களையும் டெக்னாலஜிகளையும் புகுத்தியவர் கமலஹாசன். தமிழ் சினிமாவை பாலிவுட் சினிமா அளவிற்கு தரம் உயர்த்தியதில் இவரின் பங்கும் உண்டு. சமீபகாலமாக சினிமாவில் நடிக்காமல் இருந்து வந்த கமலஹாசன், விக்ரம் திரைப்படத்தின் மூலம் ரிஎன்றி கொடுத்தார். லோகேஷ் கனகராஜ் இயக்கத்தில் உருவான இந்த திரைப்படம் சூப்பர் டூப்பர் ஹிட் கொடுத்தது.

இதையடுத்து அடுத்தடுத்து திரைப்படங்களில் கமிட்டாகி நடித்து வருகின்றார். ஒரு பக்கம் திரைப்படங்களில் நடிப்பது மறுபக்கம் தனது தயாரிப்பு நிறுவனத்தில் புதிய புதிய திரைப்படங்களை தயாரிப்பது என்று பிசியாக இருந்து வருகின்றார், மணிரத்தினம் இயக்கத்தில் தக்லைப் திரைப்படத்தில் கமிட்டாகி நடித்து வருகின்றார், இவர் நடிப்பில் வெளியான இந்தியன் 2 திரைப்படம் திரையரங்குகளில் கலவையான விமர்சனங்களை பெற்று வருகின்றது.

வசூல் ரீதியாகவும் அடிவாங்கி இருக்கின்றது. இந்நிலையில் கமலஹாசன் தற்போது 90 நாள் இந்தியாவிலேயே இருக்க மாட்டாராம். அனைவரும் தற்போது தங்களது படங்களில் ஏஐ டெக்னாலஜியை பயன்படுத்தி வருகிறார்கள். அதனை கற்றுக்கொள்ள வேண்டும் என்று ஆசைப்பட்டு இருக்கும் கமலஹாசன் அதற்காக அமெரிக்கா செல்ல இருக்கின்றார். தக்லைப் திரைப்படத்தின் ஷூட்டிங் முடித்துவிட்டு அந்த டெக்னாலஜியை கற்றுக் கொள்வதற்காக அமெரிக்கா செல்ல இருக்கின்றார். இந்த செய்தி தற்போது இணையத்தில் வைரலாகி வருகின்றது.