இரண்டாவது திருமணம் செய்யப்போகிறாரா ஜி.வி பிரகாஷ்..? பிரபல சினிமா பத்திரிக்கையாளர் சொன்ன தகவல்..!!

பிரபல இசையமைப்பாளரான ஜி.வி பிரகாஷ் கடந்த 2013-ஆம் ஆண்டு பாடகி சைந்தவியை காதலித்து திருமணம் செய்து கொண்டார். இவர்களுக்கு நான்கு வயதில் பெண் குழந்தை இருக்கிறது. பள்ளி பருவத்தில் இருந்த இருவரும் காதலித்து வந்தனர். முதலில் நண்பர்களாக பழகிய இருவருக்குள் காதல் மலர்ந்தது.

ஜி.வி பிரகாஷ் இசையில் சைந்தவி ஏராளமான பாடல்களை பாடியுள்ளார். கடந்த சில நாட்களாக சைந்தவியும் ஜி.வி பிரகாஷும் பிரிந்து வாழ்ந்து வந்தனர். இந்த நிலையில் ஒருவருக்கொருவர் பரஸ்பர மரியாதை உடன் மன அமைதிக்காக விவாகரத்து பெற்று பிரியப் போவதாக கடந்த வாரம் அறிவித்தனர்.

பிரபல சினிமா பத்திரிக்கையாளரான சுபையர் youtube சேனலுக்கு அளித்த பேட்டியில், ஜி.வி பிரகாஷ் இரண்டாம் திருமணம் செய்கிறாரா? மீண்டும் சைந்தவியுடன் இணைய வாய்ப்பு இருக்கிறதா? என கேள்வி எழுப்பினார். அதற்கு பதிலளித்த சுபையர் ஜி.வி பிரகாஷ் மற்றும் சைந்தவிக்கு சின்ன வயசு தான் ஆகிறது.

இந்த பிரிவு தற்காலிகமானதாக இருக்கலாம். இரண்டாம் திருமணம் என்பது ஜி.வி பிரகாஷ் எடுக்கும் முடிவு. அது ஜி.வி பிரகாஷின் கையில் தான் இருக்கிறது. காலம்தான் முடிவு செய்ய வேண்டும். இரண்டு பேருமே மன காயத்தில் இருப்பதால் அவர்களுக்கு மன அமைதி தான் தேவைப்படுகிறது. அந்த மன அமைதியை இருவரின் பிரிவு உணர்த்தும் என அவர் கூறியுள்ளார்.