நடிகர் தனுஷ்னு நெனச்சு ஏமாந்துட்டேன்.. என் வாழ்க்கையில் அந்த தப்பு பண்ணியிருக்க கூடாது.. ஓபனாக பேசிய நடிகை நமீதா..!

தமிழ் சினிமாவில் ஒரு காலத்தில் கவர்ச்சி நடிகையாக வலம் வந்த நடிகை நமீதா. சமீபத்தில் youtube சேனலுக்கு அளித்த பேட்டி ஒன்றில் தனது வாழ்வில் நடந்த பல விஷயங்களை பேசி இருக்கின்றார். தமிழ் சினிமாவில் 2002 ஆம் ஆண்டு வெளிவந்த சொந்தம் என்ற திரைப்படத்தில் நடித்து அறிமுகமானவர் நமீதா. பின்னர் விஜயகாந்த் நடிப்பில் கடந்த 2004 ஆம் ஆண்டு வெளியாகி நல்ல வரவேற்பு பெற்ற எங்கள் அண்ணா திரைப்படத்தின் மூலமாக ஹீரோயினியாக அறிமுகமானார்.

பின்னர் விஜய், அஜித், சரத்குமார், விஜயகாந்த், சத்யராஜ், எஸ்ஜே சூர்யா உள்ளிட்ட பல பிரபலங்களுடன் சேர்ந்து பல திரைப்படங்களில் நடித்திருக்கின்றார். ‘ஹாய் மச்சான்’ என்று இவர் அழைப்பது பலருக்கும் பிடிக்கும். கவர்ச்சி நடிகையாக தமிழ் சினிமாவில் பல ஆண்டுகள் இருந்திருக்கின்றார். மேலும் தமிழ் சினிமாவில் நடிகை நமிதா எங்கள் அண்ணன், மகா நடிகன், இங்கிலீஷ் காரன், சாணக்யா, பம்பரக் கண்ணாலே, கோவை பிரதர்ஸ், பச்சை குதிரை, வியாபாரி, நான் அவன் இல்லை, தமிழ் மகன், பில்லா உள்ளிட்ட பல திரைப்படங்களில் நடித்திருக்கின்றார்.

தமிழ் மட்டும் இல்லாமல் மலையாளம், கன்னடம், தெலுங்கு, ஹிந்தி உள்ளிட்ட மொழிகளிலும் நடித்திருக்கின்றார். 20 ஆண்டுகளுக்கு முன்பே எந்த அளவுக்கு கவர்ச்சி காட்ட முடியுமோ அந்த அளவுக்கு கவர்ச்சி காட்டி நடித்தவர் நடிகை நமிதா. நீண்ட இடைவெளிக்கு பிறகு பிக் பாஸ் நிகழ்ச்சியில் கலந்து கொண்டார். அந்த நிகழ்ச்சியை விட்டு வெளியேறிய பிறகு தனது நீண்ட நாள் காதலரை திருமணம் செய்து கொண்டு இரட்டை குழந்தைகளை பெற்று செட்டில் ஆகிவிட்டார்.

இந்நிலையில் சமீபத்திய பேட்டி ஒன்றில் பேசியிருந்த நடிகை நமீதா தெரிவித்திருந்ததாவது “சினிமாவில் கவர்ச்சியாக நடித்தது கூட தனக்கு தவறாக தெரியவில்லை. அந்த சமயத்தில் நான் சற்று திமிராக நடந்து கொண்டேன். பெரிய நடிகை என்கின்ற மமதையுடன் இருந்திருந்தேன். ஒருமுறை எனது தாத்தா தன்னை அழைத்துக் கொண்டு அவரது நண்பர்களை சந்திக்க வைக்க ஆசைப்பட்டார்.

ஆனால் அதெல்லாம் முடியாது என்று கூறி அலட்சியப்படுத்தி விட்டேன். அவர் உயிரிழந்த பிறகு நான் மிகவும் வருத்தப்பட்டேன். என் வாழ்க்கையில் நான் அந்த விஷயத்தை பண்ணிருக்கவே கூடாது என்று நினைத்தேன். கடந்த 2006 ஆம் ஆண்டு ஒரு படத்தில் நடித்தேன். படத்தின் பெயரை நான் கூற விரும்பவில்லை. அதில் நடிகர் தனுஷ் தனக்கு ஜோடியாக நடிக்க இருக்கிறார் என்று படத்தின் தயாரிப்பாளர் என்னிடம் சொல்லி கால்ஷீட் வாங்கினார்.

ஆனால் படம் தொடங்கிய பிறகு தான் தனுஷின் உறவினர் தான். அப்படத்தில் நடிக்கிறார் என்பது எனக்கு தெரிய வந்தது இது எனக்கு மிகவும் கோபத்தை ஏற்படுத்தியதால் அப்படத்தில் இருந்து பாதியில் விலகி விட்டேன். பின்னர் என்னை சமாதானம் செய்து அப்படத்தை எடுத்து முடித்தனர்” என்று அந்த பேட்டியில் நடிகை நமீதா கூறியிருந்தார்.