தமிழக கூட்டுறவு துறையின் கீழ் செயல்பட்டு வரும் கூட்டுறவு வங்கிகள், தொடக்க வேளாண் கூட்டுறவு கடன் சங்கங்களில் பயிர் கடன், நகை கடன்கள் உள்ளிட்டவை வழங்கப்படுகின்றன. கடந்த, 2024 – 2025ல், 70.28 லட்சம் பேருக்கு, 62,001 கோடி ரூபாய் நகை கடன்கள் வழங்கப்பட்டன. இதற்கிடையில் தங்கம் விலை உயர்ந்து வருவதையொட்டி, கூட்டுறவு வங்கிகளில் வழங்கப்படும் நகைக்கடன் தொகை, கிராமுக்கு 7,000 ரூபாயாக உயர்த்தப்பட்டுள்ளது.
இந்த அறிவிப்பானது தற்போது அமலுக்கு வந்துள்ளது. முன்னதாக, 1 கிராம் தங்கத்துக்கு 6,000 ரூபாய் மட்டுமே கடனாக வழங்கப்பட்டு வந்தது குறிப்பிடத்தக்கது.