இறந்தவர்களின் அஸ்தியை புனித நதிகள், ஆறுகள் அல்லது கடல்களில் கரைத்து, அவர்களின் ஆன்மா நற்கதி அடைய வேண்டும் என்று பிரார்த்திப்பது நமது கலாச்சாரத்தின் மிக முக்கிய சடங்காகும். இந்தச் சடங்கினை நிறைவேற்றுவதற்காகப் பஞ்சாப் மாநிலத்தில் இறந்த ஒருவரின் அஸ்தியை எடுத்துக்கொண்டு, ஒரே ஜீப்பில் மொத்தம் 25 பேர் புனிதத் தலம் நோக்கிச் சென்றுள்ளனர். ஆனால், அவர்கள் சென்ற ஜீப் எதிர்பாராதவிதமாகச் சாலையில் வந்த லாரி ஒன்றுடன் நேருக்கு நேர் பயங்கரமாக மோதி கோர விபத்துக்குள்ளானது.
இந்தக் கொடூரமான விபத்தில் ஜீப்பில் பயணித்தவர்களில் 9 பேர் சம்பவ இடத்திலேயே பரிதாபமாக உயிரிழந்தனர். மேலும், படுகாயமடைந்த 15 பேர் உடனடியாக மீட்கப்பட்டு, சிகிச்சைக்காக அருகில் உள்ள மருத்துவமனையில் அனுமதிக்கப்பட்டுள்ளனர். இறந்தவரின் ஆன்மா சாந்தியடைய அஸ்தியைக் கரைக்கச் சென்ற இடத்தில், ஒரே குடும்பத்தைச் சேர்ந்தவர்கள் உட்பட 9 பேர் ஒட்டுமொத்தமாக உயிரிழந்த இந்தத் துயரச் சம்பவம் அப்பகுதி மக்களிடையே பெரும் சோகத்தையும் அதிர்ச்சியையும் ஏற்படுத்தியுள்ளது.