ஜெயிலுக்கு போவதை தவிர்க்க பெண் செய்த தில்லாலங்கடி வேலை… ஒட்டுமொத்த சீனாவையும் அலறவிட்ட சம்பவம்…!

சீனாவில் ஷான்சி மாகாணத்தை சேர்ந்த பெண் ஒருவருக்கு 2020 ஆம் ஆண்டு மோசடி வழக்கில் 5 ஆண்டுகளாக ஜெயில் தண்டனை வழங்கப்பட்டது. அப்போது அவர் கர்ப்பமாக இருந்ததால் சிறைக்கு வெளியே தண்டனை அனுபவிக்கும் மாறு அனுமதிக்கப்பட்டது. இப்படி ஒரு விதிமுறை இருப்பதை அறிந்த அவர், ஒவ்வொரு முறையும் தனது கர்ப்ப காலம் முடிவடையும்போது மீண்டும் மீண்டும் கர்ப்பமாக்கி வந்துள்ளார். இதன் விளைவாக அவர் கடந்த நான்கு ஆண்டுகளில் மூன்று முறை கர்ப்பமாகி ஜெயிலுக்கு போவதை தவிர்த்து வந்துள்ளார்.

மேலும் அவர் தான் பெற்ற மூன்று குழந்தைகளில் இரண்டு குழந்தைகளை விவாகரத்தான கணவரிடம் கொடுத்துவிட்டு, ஒரு குழந்தையை தன் சகோதரிடம் கொடுத்துள்ளார். இதனை அறிந்த போலீசார் விசாரணை நடத்திய போது அவர் தொடர்ந்து  கர்ப்பமானதை தெரிந்து கொண்டனர். இதனையடுத்து போலீசார் அவரை கைது செய்து மீண்டும் சிறையில் அடைத்தனர். சீனாவின் குற்றவியல் நடைமுறை சட்டத்தின் படி ஒரு பெண் குற்றவாளி கர்ப்பமாக இருந்தாலோ  அல்லது ஒரு குழந்தைக்கு பாலூட்டினளோ  அவருக்கு வீட்டில் காவலரை வழங்கப்படலாம் என தெரிவிக்கிறது.