இயக்குனர் லோகேஷ் கனகராஜை 2022ல் மிகவும் கவர்ந்த திரைப்படம் இதுதானா?… அவரே  கூறிய தகவல் இதோ!…

2022 ஆம் ஆண்டில் வெளிவந்த படங்களில் தனக்கு பிடித்த படம் இதுதான் என்று பிரபல இயக்குனர் லோகேஷ் கனகராஜ் கூறிய தகவல் தற்பொழுது இணையத்தில் வெளியாகியுள்ளது.

குறும்படம் மூலம் தனது திறமையை நிரூபித்து சினிமாவில் என்ட்ரி கொடுத்தவர் லோகேஷ் கனகராஜ். இவரது முதல் திரைப்படம் ‘மாநகரம்’. தனது முதல் படத்திலேயே  இவர் ரசிகர்களின் கவனத்தை ஈர்த்தார். அடுத்ததாக நடிகர் கார்த்தியின் ‘கைதி’ திரைப்படத்தை இயக்கினார். இதன் மூலம் கோலிவுட்டில் பிரபலமானார்.

‘கைதி’ திரைப்படத்தின் வெற்றியை தொடர்ந்து தளபதி விஜயின் ‘மாஸ்டர்’ படத்தை இயக்கும் வாய்ப்பு லோகேஷ் கனகராஜ் அவர்களுக்கு கிடைத்தது. இப்படம் பிளாக் பஸ்டர் ஹிட் அடித்தது. மாஸ்டர் படத்திற்கு பின்னர் இயக்குனர் லோகேஷ் கனகராஜூக்கு கமலஹாசனின் ‘விக்ரம்’ படத்தை இயக்கும் வாய்ப்பு கிடைத்தது.

இத்திரைப்படத்தில் கமலஹாசன், விஜய் சேதுபதி, பகத்பாஸில்  என பெரிய நட்சத்திர பட்டாளமே நடித்துள்ளனர். இப்படத்திற்கு அனிருத் இசை அமைத்துள்ளார். விக்ரம் திரைப்படம் மாபெரும் அளவில் வெற்றியை பெற்றுள்ளது. இப்படத்தை தொடர்ந்து நடிகர் விஜயை வைத்து ‘தளபதி 67’ என்ற படத்தை இயக்க உள்ளார் லோகேஷ் கனராஜ். இத்திரைப்படத்தின் பூஜை சமீபத்தில் நடந்து முடிந்தது.

வாரிசு திரைப்படத்தின் ரிலீஷுக்குபின் இப்படத்தின் அதிகாரப்பூர்வமான அறிவிப்பு வெளியாகும் என லோகேஷ் கனகராஜ் கூறியுள்ளார். இந்நிலையில் சமீபத்திய பேட்டி ஒன்றில் ‘2022ல் வெளிவந்த படங்களில் மலையாளத்தில் வெளிவந்த ‘தள்ளுமாலா’ படம் தான் தன்னை அதிகம் கவர்ந்தது’ என்று லோகேஷ் கனகராஜ் கூறியுள்ளார். தற்பொழுது இந்த தகவல் இணையத்தில் வெளியாகி வைரலாகி வருகிறது.