பீகார் மாநிலத்தில் பெண் பயணச்சீட்டு பரிசோதகர் ஒருவர், ஏழைப் பயணியிடம் அநாகரீகமாக நடந்துகொண்டு அவரிடமிருந்து பணத்தைப் பறிக்கும் வீடியோ சமூக வலைதளங்களில் தீயாய் பரவி வருகிறது. ‘unfiltered_uttarpradesh’ எனும் கணக்கில் பகிரப்பட்டுள்ள இந்த வீடியோவில், அந்த அதிகாரி தனது அதிகாரத்தைத் தவறாகப் பயன்படுத்தி, எளிய மக்களைக் குறிவைத்து மிரட்டும் காட்சிகள் பதிவாகியுள்ளன.
இந்தச் சம்பவம் ரயில்வே துறையில் நிலவும் அதிகார துஷ்பிரயோகம் மற்றும் லஞ்ச ஒழிப்பு நடவடிக்கைகள் குறித்த பெரும் விவாதத்தை நெட்டிசன்கள் மத்தியில் கிளப்பியுள்ளது. சமூக வலைதளங்களில் வெளியாகி வரும் இந்த வீடியோவிற்கு பலரும் தங்களது கடும் கண்டனங்களைப் பதிவு செய்து வருகின்றனர். ஒரு சாதாரண சாமானியர் இது போன்ற தவறைச் செய்திருந்தால் சட்டம் இவ்வளவு மென்மையாக இருக்குமா என்றும், அதிகாரத்தில் இருப்பவர்களுக்கு ஒரு நீதி, ஏழை மக்களுக்கு ஒரு நீதியா என்றும் மக்கள் கேள்வி எழுப்பி வருகின்றனர்.
A video from Bihar is going viral on social media, showing a woman ticket examiner (TT) allegedly taking cash from a poor passenger.
As per claims, the act was caught on camera, raising serious concerns about misuse of authority and selective targeting by officials.
The clip… pic.twitter.com/ygBokKEv0K
— ShoneeKapoor (@ShoneeKapoor) April 15, 2026
“>
இந்த விவகாரத்தில் சம்பந்தப்பட்ட பெண் அதிகாரி மீது உரிய விசாரணை நடத்தி, ரயில்வே நிர்வாகம் கடுமையான நடவடிக்கை எடுக்க வேண்டும் என்றும், பொதுமக்களின் பாதுகாப்பை உறுதி செய்ய வெளிப்படையான விசாரணை அவசியம் என்றும் சமூக ஆர்வலர்கள் கோரிக்கை விடுத்துள்ளனர்.