“ஈரான் இனி தப்ப முடியாது”… 27-வது அலை தாக்குதல்… நடுங்கும் வளைகுடா…. டிரம்ப் கொடுத்த அதிரடி எச்சரிக்கை.. போர் உச்சக்கட்டம்…!

இஸ்ரேல் மற்றும் அமெரிக்காவின் ராணுவ இலக்குகளைக் குறிவைத்து ஈரான் தனது 27-வது கட்ட அதிரடித் தாக்குதலைத் தொடங்கியுள்ளது. ‘ஆபரேஷன் ட்ரூ பிராமிஸ் 4’ (Operation True Promise 4) என்ற பெயரில் நடத்தப்படும் இந்தத் தாக்குதல்கள், மத்திய கிழக்கு பிராந்தியத்தில் போர்ச் சூழலை மேலும் தீவிரப்படுத்தியுள்ளது. ஈரான் அரசு செய்தி ஊடகமான பிரஸ் டிவி, இந்தத் தாக்குதல்களை உறுதிப்படுத்தியுள்ளது.

இந்தத் தாக்குதலில் லெபனானின் ஹிஸ்புல்லா அமைப்பு மற்றும் ஈராக்கின் இஸ்லாமிய எதிர்ப்பியக்கங்கள் ஈரானுடன் இணைந்து செயல்படுவதாகக் கூறப்படுகிறது. குவைத்தில் உள்ள அமெரிக்க ஹெலிகாப்டர் தளம், எரிபொருள் சேமிப்பு கிடங்குகள் மற்றும் கட்டளைக் கட்டிடங்கள் மீது ஈரான் கடற்படையின் பாலிஸ்டிக் ஏவுகணைகள் மூலம் தாக்குதல் நடத்தப்பட்டுள்ளது. குறிப்பாக, அமெரிக்கப் படைகள் தங்கியிருந்த இடங்களைக் குறிவைத்து இந்தத் தாக்குதல்கள் முன்னெடுக்கப்பட்டுள்ளன.

ஈரான் தனது தாக்குதல்களைத் தீவிரப்படுத்த ‘யா ஹைதர் கர்ரார்’ மற்றும் ‘யா அமீர் அல்-முமினின்’ போன்ற குறியீட்டு பெயர்களில் அடுத்தடுத்த கட்ட நடவடிக்கைகளை மேற்கொண்டு வருகிறது. இதில் கைபர் ஷெக்கான், இமாத் மற்றும் கத்ர் போன்ற நவீன ஏவுகணைகளும், ஆளில்லா விமானங்களும் பயன்படுத்தப்பட்டுள்ளன. வடக்கு முதல் தெற்கு வரை ஆக்கிரமிக்கப்பட்ட பகுதிகளில் உள்ள முக்கிய ராணுவ தளங்களை இந்த ஏவுகணைகள் தகர்த்துள்ளதாகத் தகவல்கள் தெரிவிக்கின்றன.

மறுபுறம், ஈரானின் இந்த ஆக்ரோஷமான நடவடிக்கைகளுக்குத் தக்க பதிலடி கொடுக்கப்படும் என்று அமெரிக்கா எச்சரித்துள்ளது. ஈரானின் தாக்குதல்களால் வளைகுடா நாடுகளில் பதற்றம் அதிகரித்துள்ள நிலையில், இந்தப் போர் பிராந்திய ரீதியாகப் பெரிய தாக்கத்தை ஏற்படுத்தியுள்ளது. டிரம்ப் நிர்வாகம் ஈரானுக்கு கடும் எச்சரிக்கை விடுத்துள்ளதால், மத்திய கிழக்கில் போர்ச் சூழல் உச்சக்கட்டத்தை எட்டியுள்ளது.