ஈரான் மற்றும் அமெரிக்கா இடையிலான போர் பதற்றம் உலகையே உலுக்கி வரும் நிலையில், தற்போது ஒரு முக்கியத் திருப்பமாக ஈரான் தன்னிடம் உள்ள செறிவூட்டப்பட்ட யுரேனியத்தை ஒப்படைக்க முன்வந்துள்ளதாக அமெரிக்க அதிபர் டொனால்ட் டிரம்ப் அறிவித்துள்ளார். ஈரான் அணு ஆயுதங்களை உருவாக்க முயற்சிப்பதாகக் கூறி, கடந்த மாதம் அமெரிக்கா மற்றும் இஸ்ரேல் படைகள் ஈரான் மீது தீவிரமான வான்வழித் தாக்குதல்களை நடத்தின. இதில் ஈரானின் முக்கியத் தலைவர்கள் கொல்லப்பட்டதைத் தொடர்ந்து, பதிலடியாக ஈரான் அமெரிக்க ராணுவ நிலைகள் மற்றும் எண்ணெய் கிணறுகளைத் தாக்கியதுடன், உலக வர்த்தகத்தின் முக்கியப் பாதையான ஹார்முஸ் ஜலசந்தியையும் மூடியது.
இந்த மோதலைத் தணிக்க பாகிஸ்தான் மேற்கொண்ட மத்தியஸ்த முயற்சிகளின் பலனாக, இரண்டு வார கால தற்காலிகப் போர் நிறுத்தம் அறிவிக்கப்பட்டது. முதல்கட்ட பேச்சுவார்த்தைகளில் குறிப்பிடத்தக்க முன்னேற்றம் ஏற்படாத நிலையில், இரண்டாம் கட்டப் பேச்சுவார்த்தைக்கான ஆயத்தங்கள் நடைபெற்று வந்தன. குறிப்பாக, அணு ஆயுதத் தயாரிப்பிற்குப் பயன்படும் செறிவூட்டப்பட்ட யுரேனியத்தை ஒப்படைக்க ஈரான் பிடிவாதமாக மறுத்து வந்ததே அமைதிப் பேச்சுவார்த்தையில் பெரும் முட்டுக்கட்டையாக இருந்து வந்தது.
தற்போது வெள்ளை மாளிகையில் செய்தியாளர்களைச் சந்தித்த அதிபர் டிரம்ப், ஈரான் தனது அணுக்கழிவுகளை (யுரேனியம்) ஒப்படைக்க ஒப்புக்கொண்டுள்ளதாகத் தெரிவித்துள்ளார். இது ஒரு வரலாற்றுச் சிறப்புமிக்க முன்னேற்றமாகக் கருதப்படுகிறது. இந்த ஒப்பந்தம் உறுதிசெய்யப்பட்டால், முடங்கிக் கிடக்கும் சர்வதேச எண்ணெய் விநியோகம் மீண்டும் சீராகும் என்றும், மூடப்பட்ட ஹார்முஸ் ஜலசந்தி மீண்டும் திறக்கப்படும் என்றும் டிரம்ப் நம்பிக்கை தெரிவித்துள்ளார். இதன் மூலம் மேற்காசியப் பகுதியில் நிலவி வரும் போர் மேகங்கள் விலகும் சூழல் உருவாகியுள்ளது.
அமைதி ஒப்பந்தம் இறுதியாகும் பட்சத்தில், அது பாகிஸ்தானில் வைத்து கையெழுத்தாக வாய்ப்புள்ளதாகவும், அந்த நிகழ்வில் பங்கேற்கத் தான் பாகிஸ்தான் செல்லக்கூடும் என்றும் டிரம்ப் கூறியுள்ளார். ஈரானின் இந்த இணக்கமான முடிவு, உலக சந்தையில் கச்சா எண்ணெய் விலையை நிலைப்படுத்தவும், பிராந்திய அமைதியை மீட்டெடுக்கவும் உதவும் என எதிர்பார்க்கப்படுகிறது. இரு நாடுகளுக்கும் இடையிலான இரண்டாம் கட்டப் பேச்சுவார்த்தை விரைவில் தொடங்க உள்ள நிலையில், உலக நாடுகள் அனைத்தும் இந்த ஒப்பந்தத்தின் முடிவை ஆவலுடன் எதிர்நோக்கியுள்ளன.
ராஜஸ்தான் மாநிலத்தைச் சேர்ந்த அகில் குமார் சந்தக் என்பவர், கடந்த 2019-ஆம் ஆண்டு டெல்லியில் அசாம் மாநிலத்தைச் சேர்ந்த நூர்ஷிகா…
கேரள மாநிலம் கொச்சி பொன்னுருன்னி பகுதியில் உள்ள அடுக்குமாடிக் குடியிருப்பில் வசிக்கும் பிரபல மலையாள நடிகை அதுல்யா சந்திரா, 41…
நீலகிரி மாவட்டம் பில்லூர்மட்டம் சடையன் கொம்பை பகுதியைச் சேர்ந்த 14 வயது சிறுமி ஒருவர் திடீரென காணாமல் போனதாக கடந்த…
டெல்லி அரசுப் பேருந்து ஓட்டுநரிடம் வழித்தடம் பற்றிக் கேட்ட பெண் ஒருவர், திடீரென ஓட்டுநருடன் தகராறில் ஈடுபட்டு அவரது காலரைப்…
சென்னையை அடுத்த கொளத்தூர் ஜி.கே.எம் காலனி பகுதியில் அமைந்துள்ள டாஸ்மாக் மதுபான கூடத்தில், அண்ணன் மற்றும் தங்கை இருவரும் மதுபோதையில்…
திருப்பத்தூர் சட்டமன்றத் தொகுதியில் கடந்த தேர்தலில் திமுக சார்பில் போட்டியிட்டு குறைந்த வாக்கு வித்தியாசத்தில் தோல்வியடைந்த முன்னாள் அமைச்சர் கே.ஆர்.…