“12 பேரையும் விடுதலை செஞ்சிட்டீங்க” அப்போ குற்றவாளி யார்..? 2008-ல கூட தூக்குல போட்டாங்க… குண்டு வெடிப்பில் மகனை இழந்த தந்தையின் கொந்தளிப்பு !

2006 ஆம் வருடம் ஜூலை 11ஆம் தேதி மராட்டிய மாநிலம் மும்பை புறநகர் ரயில்களில் அடுத்தடுத்து வெடிகுண்டுகள் வெடிக்கப்பட்டது. இந்த சம்பவத்தில் 189 பேர் பரிதாபமாக உயிரிழந்தார்கள் .மேலும் 820 பேர் படுகாயம் அடைந்தார்கள். இந்த சம்பவத்திற்கு லஷ்கார் இ-குவாகர்  பயங்கரவாத அமைப்பானது பொறுப்பேற்றது. இந்த வெடிகுண்டு சம்பவம் தொடர்பாக 12 பேர் கைது செய்யப்பட்டார்கள். மேலும் இந்த 12 பேரும் குற்றவாளிகள் என்று 2015 ஆம் வருடம் நீதிமன்றம் தீர்ப்பளித்தது. இவர்களில் ஐந்து பேருக்கு தூக்கு தண்டனையும், மீதமுள்ள ஏழு பேருக்கு ஆயுள் தண்டனையும் விதிக்கப்பட்டது. இதனிடையே  தங்களுக்கு விதிக்கப்பட்ட தண்டனை ரத்து செய்ய கோரி 12 பேரும் மும்பை ஹைகோர்ட்டில் மனு தாக்கல் செய்திருந்தார்கள்.

இந்த வழக்கு விசாரணை தொடர்ந்து நடைபெற்று வந்தது . இதில் குற்றவாளி கமல் அன்சாரி கடந்த 2021 ஆம் வருடம் கொரோனாவால் உயிரிழந்தார். இந்நிலையில் இந்த  வழக்கில் தண்டனை பெற்ற 12 பேரையும் விடுதலை செய்த உத்தரவிட்டது நீதிமன்றம். இந்த நிலையில் தான் இந்த குண்டுவெடிப்பு சம்பவத்தில் தன்னுடைய மகனை இழந்த ரமேஷ் நாயக் கோர்ட்டின் உத்தரவு குறித்து செய்தியாளர்களுக்கு அளித்துள்ள பேட்டியில், “அரசாங்கத்திடம் எனக்கு ஒரு கேள்வி.  ஒரு முடிவை எட்டுவதற்கு 19 வருடங்கள் ஆனது ஏன்? 2008 இல் நடந்த குண்டு வெடிப்பு சம்பத்திற்காக அஜ்மல் கசாப் விரைவாக தூக்கிலிடப்பட்டார். ஆனால் 19 ஆண்டுகள் சிறையில் அடைக்கப்பட்ட இந்த பயங்கரவாதிகள் இப்போது விடுவிக்கப்பட்டிருக்கிறார்கள். இவர்கள் குற்றவாளிகள் இல்லையென்றால் குண்டுவெடிப்பை ஏற்படுத்தியது யார்..? என்று கூறியுள்ளார்