அம்மாடியோவ்… சிவகார்த்திகேயன் நடிக்கும் புதிய படத்தின் பட்ஜெட் இத்தனை கோடியா? – கொஞ்சம் பராசக்தி கை கொடுத்து தூக்கி விடுமா?

அமரன் மதராஸி படங்களுக்கு பிறகு இப்போது அடுத்து வெளியாக உள்ள சிவகார்த்தியேகன் படம் பராசக்தி. அதன்பிறகு இப்போது சத்யஜோதி பிலிம்ஸ் தயாரிப்பில் நடிகர் சிவகார்த்திகேயன் ஒரு புதிய படத்தில் நடிக்கிறார். இந்த படத்தை வெங்கட்பிரபு இயக்குகிறார். இந்த படத்தின் விஎஃப்எக்ஸ் தொழில்நுட்ப பணிகளுக்காக சமீபத்தில் சிவகார்த்திகேயனும் வெங்கட்பிரபுவும் அமெரிக்காவில் உள்ள லாஸ் ஏஞ்சல்ஸ் சென்று திரும்பியிருக்கின்றனர்.

இந்நிலையில் இந்த படத்தின் பட்ஜெட் குறித்த தகவல் வெளியாகி உள்ளது. அதன்படி இந்த படத்தில் சிவகார்த்திகேயன் சம்பளம் ரூ. 45 கோடி இயக்குனர் வெங்கட்பிரபு சம்பளம் ரூ. 18 கோடி இசையமைப்பாளர் அனிருத் சம்பளம் ரூ. 12 கோடி இதர நடிகர் நடிகைகள் தொழில்நுட்ப சம்பளம் உட்பட சம்பளமாக மட்டுமே ரூ. 100 கோடி எனவும், படத்தின் தயாரிப்பு செலவு ரூ. 50 கோடி எனவும் முடிவாகி உள்ளது. இந்த படத்தின் படப்பிடிப்பு முழுவதும் வெளிநாட்டில் என்பதால் தினமும் ரூ. 50 லட்சம் படப்பிடிப்பு செலவு எனவும் கணக்கிடப்பட்டுள்ளது. இதுதவிர ரூ. 150 கோடி கடனுக்கு ரூ. 30 கோடி வட்டி என இந்த படத்தின் மொத்த பட்ஜெட் ரூ. 180 கோடி என்கின்றனர். பராசக்தி படம் மாஸ் ஹிட் கொடுத்தால் இந்த படத்தின் டிஜிட்டல் உரிமம் ஓடிடி விற்பனை ரூ. 60 கோடிக்கு மேல் கைகொடுத்து உதவும் என்று படத்தின் தயாரிப்பு நிறுவனம் எதிர்பார்க்கிறது.