தனது காதலியையும் அவரது தாயையும் ஒரே நேரத்தில் கர்ப்பமாக்கியதாகக் கூறி இணையத்தில் பெரும் பரபரப்பை ஏற்படுத்திய அமெரிக்க யூடியூபர் நிக் யார்டி (29), தற்போது அந்த அறிவிப்பு ஒரு வெறும் நாடகம் என்பதை ஒப்புக்கொண்டுள்ளார். 22 வயதான காதலி ஜேட் மற்றும் அவரது 44 வயது தாயார் டானி ஆகிய இருவரும் தனது குழந்தைகளைச் சுமப்பதாக அவர் வெளியிட்ட வீடியோ, மில்லியன் கணக்கான பார்வைகளைக் கடந்து சமூக வலைத்தளங்களில் கடுமையான விவாதங்களையும் கண்டனங்களையும் எழுப்பியது. “தன்னைப் பின்தொடர்பவர்கள் பொழுதுபோக்கை மட்டுமே எதிர்பார்க்கிறார்கள், அவர்கள் இதை நிஜமென்று நம்புவார்கள் என நான் நினைக்கவில்லை; அது வெறும் ஒரு நகைச்சுவைக் காட்சி” என்று நிக் விளக்கமளித்துள்ளார். ஜேட் மற்றும் டானி இருவரும் ஒன்லிஃபேன்ஸ் (OnlyFans) தளத்தில் இருக்கும் நிலையில், சுய விளம்பரத்திற்காக இவர்கள் இத்தகைய எல்லையற்ற செயலில் ஈடுபட்டதாக நெட்டிசன்கள் பலரும் தங்களது வெறுப்பை உமிழ்ந்து வருகின்றனர்.
இருப்பினும், தங்களுக்குள் இருக்கும் மும்முனை உறவு முற்றிலும் உண்மையானது என்று நிக் தொடர்ந்து வலியுறுத்தி வருவது மேலும் அதிர்ச்சியை ஏற்படுத்தியுள்ளது. அவர்கள் இருவரும் உண்மையில் தாயும் மகளும்தான் என்றும், தங்களுக்குள் கடந்த இரண்டு ஆண்டுகளாக இந்த உறவுமுறை நீடித்து வருவதாகவும் அவர் குறிப்பிட்டுள்ளார். ஆரம்பத்தில் ஜேடுடன் ஏற்பட்ட கருத்து வேறுபாடுகளின் போது, அவரது தாயான டானியிடம் நிக் ஆலோசனை பெற்றுள்ளார்; அப்போது மற்றொரு பெண்ணை உறவுக்குள் கொண்டு வரலாம் என்ற ஆலோசனையின் பேரில், அது ஜேடின் தாயாகவே மாறியுள்ளது. இதற்கு ஜேடும் சம்மதித்ததாகக் கூறும் நிக், “அவர்கள் தற்போது கர்ப்பமாக இல்லை, ஆனால் எங்கள் உறவு உண்மையானது” எனக் கூறி இந்த விசித்திரமான விவகாரத்திற்கு முற்றுப்புள்ளி வைத்துள்ளார்.