தமிழக அரசியல் களத்தில் திமுக மற்றும் தமிழக வெற்றிக் கழகம் (தவெக) இடையே வார்த்தைப்போர் உச்சக்கட்டத்தை எட்டியுள்ளது. திமுக பொதுக்கூட்டத்தில் தவெக தலைவர் விஜய்யை ஒருமையில் பேசியும், சட்டசபையைக் கூட்டினால் எலும்பை உடைப்போம் என்றும் பகிரங்க மிரட்டல் விடுத்த விளாத்திக்குளம் திமுக எம்.எல்.ஏ. மார்க்கண்டேயன் அதிரடியாகக் கைது செய்யப்பட்டார். இந்த கைது நடவடிக்கைக்கு திமுக தலைவரும் முன்னாள் முதல்வருமான மு.க.ஸ்டாலின் கடும் கண்டனம் தெரிவித்ததோடு, காவல்துறையினருக்குப் பின்விளைவுகள் ஏற்படும் என எச்சரிக்கை விடுத்திருந்தார். தவெக அரசு விமர்சனங்களுக்கு அஞ்சி அராஜகம் செய்வதாகவும், இது சாத்தானின் ஆட்சி என்றும் ஸ்டாலின் சாடியிருந்தார்.
இதற்கு தவெக-வின் தகவல் தொழில்நுட்பப் பிரிவு மிகக் கடுமையான மொழியில் அறிக்கை வெளியிட்டு தகுந்த பதிலடி கொடுத்துள்ளது. அரசியலை ஒரு வியாபாரமாகச் செய்யும் ‘வெண்டிங் மெஷின்’ தான் திமுக என்று விமர்சித்துள்ள தவெக, தன் கட்சியின் ஆபாசப் பேச்சாளர்களை வன்மம் ஊட்டி வளர்த்துவிட்டு, அதற்கு ‘எதிர்க்கட்சி ஜனநாயகம்’ என திமுக தலைமை எகத்தாளம் பேசுவதாகக் குற்றம் சாட்டியுள்ளது. மேலும், மேல்மட்டத் தலைமை முதல் கீழ்மட்ட நிர்வாகம் வரை தரைமட்டத்திற்கும் கீழே சென்று திமுக அநாகரிக அரசியல் புரிந்து வருவதை தமிழக மக்கள் தினமும் பார்த்துக் கொண்டுதான் இருக்கிறார்கள் என்றும் தவெக சாடியுள்ளது.
ஆட்சி அதிகாரத்தின் மமதை இன்னும் குறையாமல், காவல்துறையையே பகிரங்கமாக மிரட்டும் தொனியில் ஸ்டாலின் அறிக்கை வெளியிட்டிருப்பதை தவெக வன்மையாகக் கண்டித்துள்ளது. “அடிப்படைப் புரிதல் கூட இல்லாமல் கண்ணை மூடிக்கொண்டு வழக்கு போட்டதால், ஒழுங்காகப் படித்துவிட்டு வாருங்கள் என்று உச்ச நீதிமன்றம் ஓங்கி அடித்ததை திமுக மறந்துவிட்டது” என்று சுட்டிக்காட்டியுள்ள தவெக, நீதிநெறி மறந்து செயல்படும் திமுக, தான் விதைத்த வினைகளை விரைவில் மேன்மேலும் அறுவடை செய்யப் போவது உறுதி என எச்சரித்துள்ளது. இந்த அனல் பறக்கும் அரசியல் மோதல் தற்போது தமிழக அரசியலில் பெரும் பரபரப்பை ஏற்படுத்தியுள்ளது.
கோலாப்பூர் – இச்சல்கரஞ்சி-கப்னூர் வழித்தடத்தில் உள்ள கப்னூர் சௌக் பகுதியில் அதிவேகமாக வந்த டாடா பஞ்ச் கார், முன்னால் சென்று…
உணவகத்தின் கலகலப்பான சத்தங்களுக்கு நடுவே, மேஜையின் நடுவில் வைக்கப்பட்டிருந்த ஹாட் பாட் பாத்திரம் மெல்லிய புகையுடன் கொதித்துக் கொண்டிருந்தது. தட்டிலிருந்த…
தலைநகர் டெல்லி மயூர் விஹார் பகுதியில் உள்ள தனியார் பள்ளியில் 3-ஆம் வகுப்பு படித்து வந்த 9 வயது சிறுமி…
கேரளாவில் வெளிநாட்டிலிருந்து சட்டவிரோதமாகக் கடத்தி வரப்பட்ட பல லட்சம் ரூபாய் மதிப்புள்ள தங்கத்தைக் கவர்ந்து செல்ல, பெண் ஒருவர் திரைப்பட…
உத்தரப் பிரதேச மாநிலம் புதௌன் மாவட்டத்தைச் சேர்ந்த கருலியா கிராமத்தைச் சேர்ந்தவர் ஏக்தா. ஏழு மாதக் கர்ப்பிணியாக இருந்த இவருக்குச்…
உத்தரப் பிரதேச மாநிலத்தில் 11-ஆம் வகுப்பு படித்துக் கொண்டிருந்த போதே காதலிப்பதாகக் கூறி, 10 ஆண்டுகள் அத்துமீறலில் ஈடுபட்டு ஏமாற்றிய…