“ரஜினி விட்ட இடத்தை மருமகன் பிடிப்பாரா?”…. திரை உலகை உலுக்கும் தனுஷின் திடீர் அரசியல் மூவ்…. ரசிகர்கள் உச்சக்கட்ட உற்சாகம்…!!

தமிழகத்தில் ஐம்பது ஆண்டுகாலத் திராவிட ஆட்சியைத் தகர்த்து, நடிகர் விஜய் தனது முதல் தேர்தலிலேயே வென்று முதலமைச்சராக அரியணை ஏறியுள்ளது திரைத்துறையினர் பலருக்கும் பெரும் அரசியல் ஆர்வத்தை ஏற்படுத்தியுள்ளது. இந்த வரிசையில், சூப்பர் ஸ்டார் ரஜினிகாந்த் அரசியலில் கோட்டைவிட்ட இடத்தை அவரது முன்னாள் மருமகனும், முன்னணி நடிகருமான தனுஷ் பிடிப்பதற்குத் தீவிரமாகத் திட்டமிட்டு வருவதாகப் பரபரப்பு தகவல்கள் கசிந்துள்ளன.

கடந்த 2021-ல் ரஜினிகாந்த் அரசியலுக்கு வந்திருந்தால் தவெக விஜய் போல ஆட்சியைப் பிடித்திருக்கலாம் என்ற ஏக்கம் அவரது குடும்பத்தினரிடம் தற்பொழுது எழுந்துள்ளதால், மக்கள் செல்வாக்கும் அசாத்திய ரசிகர் பட்டாளமும் கொண்ட தனுஷை நேரடி அரசியலில் களம் இறக்க ரஜினி குடும்பத்தினர் முழு ஆலோசனையில் ஈடுபட்டுள்ளனர். அண்மையில் விஜய்க்குப் பல திரை பிரபலங்கள் நேரில் வாழ்த்து கூறியபோது தனுஷ் அவரைச் சந்திக்காமல் தவிர்த்ததற்கு இந்த அரசியல் போட்டியே முக்கியக் காரணம் என்று கோலிவுட் வட்டாரங்கள் முணுமுணுக்கின்றன.

ரஜினிகாந்தின் வெளிப்படையான ஆதரவு தமக்குக் கிடைக்கும் பட்சத்தில் தனது அரசியல் எதிர்காலம் பிரகாசமாக இருக்கும் என்று நம்பும் தனுஷ், அதற்கான முதற்கட்டமாகத் தனது ரசிகர் மன்ற கட்டமைப்புகளை மாநிலம் முழுவதும் பலப்படுத்தும் பணிகளை முடுக்கிவிட்டுள்ளார். ராகவா லாரன்ஸ், விஷால் போன்ற நடிகர்கள் களம் காணத் துடிக்கும் வேளையில், தனுஷ் கடந்த மாதமே தனது ரசிகர் மன்றத்திற்குப் புதிய கொடியை அறிமுகப்படுத்தித் தனது அரசியல் வருகையை மறைமுகமாக உறுதிப்படுத்தியுள்ளார்.

மேலும், வரவிருக்கும் உள்ளாட்சித் தேர்தலில் தனது மன்றத்தின் முக்கிய நிர்வாகிகளைப் போட்டியிட வைத்து ஒரு சோதனையோட்டத்தை நடத்தவும் அவர் திட்டமிட்டுள்ளார். தனுஷ் தரப்பில் இருந்து இந்தச் செய்தி தற்பொழுது மறுக்கப்பட்டாலும், ஆரம்பத்தில் மறுப்பதும் பின்னர் அதையே நடத்துவதும் தமிழக அரசியல் வரலாற்றில் வழக்கமான ஒன்றுதான் என்பதால், தனுஷின் புதிய அரசியல் கட்சியின் அதிகாரப்பூர்வ அறிவிப்பு மற்றும் தேதி விரைவில் வெளியாகும் எனத் தமிழக அரசியல் களத்தில் பெரும் எதிர்பார்ப்பு எழுந்துள்ளது.