“நான் அவன்கூடத்தான் போவேன்!”… கணவனுடன் சென்ற 24 மணி நேரத்தில் மீண்டும் எஸ்கேப்… 7 வயது மகனைத் தவிக்க விட்டுவிட்டு கள்ளகாதலனுடன் கார் பயணத்தில் மாலை மாற்றிய தாய்.. கர்நாடகாவில் அரங்கேறிய பகீர் சம்பவம்…!!

கர்நாடக மாநிலம் ஹாசன் மாவட்டத்தைச் சேர்ந்த பிரகாஷ் என்பவருக்கும், ஹர்ஷிதா என்ற பெண்ணுக்கும் கடந்த 2017-ம் ஆண்டு திருமணமாகி, 7 வயதில் ஒரு மகன் உள்ளான். இந்நிலையில், ஹர்ஷிதாவுக்கும் அதே பகுதியைச் சேர்ந்த சச்சின் என்பவருக்கும் இடையே பழக்கம் ஏற்பட்டு அது கள்ளக்காதலாக மாறியுள்ளது. கடந்த மார்ச் 30-ம் தேதி மருத்துவமனைக்குச் செல்வதாகக் கூறிவிட்டுச் சென்ற ஹர்ஷிதா, வீடு திரும்பாததால் அதிர்ச்சியடைந்த குடும்பத்தினர் போலீசில் புகார் அளித்தனர். விசாரணையில், அவர் தனது காதலன் சச்சினுடன் ஓடியது தெரியவந்தது.

இதையடுத்து, போலீசார் ஹர்ஷிதாவைத் தேடிக் கண்டுபிடித்து காவல் நிலையத்திற்கு வரவழைத்தனர். அங்கு நடந்த பேச்சுவார்த்தையின் போது, “நான் கணவருடன் செல்ல மாட்டேன், காதலனுடன் தான் வாழ்வேன்” என ஹர்ஷிதா பிடிவாதமாக மறுத்துள்ளார். இருப்பினும், அவரது பெற்றோர் மற்றும் குடும்பத்தினர் கண்ணீர் மல்கக் கெஞ்சியதால், மனம்மாறிய அவர் மீண்டும் கணவர் பிரகாசுடன் செல்லச் சம்மதித்தார். போலீசாரும் இருவரையும் சமாதானம் செய்து ஒன்றாக அனுப்பி வைத்தனர்.

ஆனால், கணவருடன் சென்ற மறுநாளே ஹர்ஷிதா மீண்டும் தனது காதலன் சச்சினுடன் வீட்டை விட்டு ஓடி அதிர்ச்சி கொடுத்துள்ளார். இரண்டாவது முறையாக வெளியேறிய அவர், இம்முறை காதலனுடன் காரில் அமர்ந்தபடியே மாலை மாற்றிக் கொண்டு திருமணம் செய்துகொண்டார். இது தொடர்பான வீடியோ சமூக வலைதளங்களில் வெளியாகி வைரலாகி வரும் நிலையில், இந்தச் சம்பவம் அப்பகுதியில் பெரும் பரபரப்பை ஏற்படுத்தியுள்ளது.