‘விவாகரத்துக்கு பிறகும்  இன்னும் அவரை நான் காதலிக்குறேன்’… நடிகர் ராமராஜன் மீது இன்னும் தீராத காதல் கொண்ட அவரது மனைவி நடிகை நளினி… வைரலாகும் பேட்டி…

தமிழ் சினிமாவில் பல ஹிட் படங்களில் நடித்து ரசிகர்கள் மத்தியில் பிரபலமானவர் நடிகர்  ராமராஜன். இவர் நடிப்பில் வெளிவந்த ‘கரகாட்டக்காரன்’ படம் தற்போது டிவியில் ஒளிபரப்பினாலும் பார்ப்பவர்கள் ஏராளம் இருக்கிறார்கள். இந்த படம் வந்து முப்பது வருடங்களுக்கும் மேல் ஆகிறது. மிகப்பெரிய அளவில் வசூலை குவித்தது அந்த படம்.

ஹீரோவாகும் முன்பு ராமராஜன் பல படங்ளை இயக்கியுள்ளார். மதுரை மேலூரில் இருந்து சினிமா ஆசையில் சென்னைக்கு வந்த அவர் ராமநாராயணனிடம் உதவி இயக்குனராக சேர்ந்தார். ‘மண்ணுக்கேத்த பொண்ணு’ என்ற படம் மூலமாக இயக்குனர் ஆனார்.அதன் பிறகு பல படங்களை இயக்கினார்.

அதன்பின் நம்ம ஊரு நல்ல ஊரு என்ற படம் மூலமாக ஹீரோவாக அறிமுகம் ஆனார் அவர்.அந்த படம் வெற்றி பெற்றதால் அதனை தொடர்ந்து பல படங்களில் நடித்து முன்னணி ஹீரோவாக வளர்ந்தார். நடிகை நளினியை காதலித்து திருமணம் செய்துகொண்ட அவர் பின்னர் கருத்து வேறுபாடு காரணமாக விவாகரத்துசெய்துகொண்டார் .

அவர்களுக்கு இரண்டு மகன்களும் ஒரு மகளும் இருக்கிறார்கள். நடிகை நளினி சமீபத்தில் விஜய் தொலைக்காட்சியில் ஒளிபரப்பான ஸ்டார்ட் மியூசிக் என்ற நிகழ்ச்சியில் கலந்து கொண்டார். அப்பொழுது அந்த நிகழ்ச்சியை தொகுத்து வழங்கும் பிரியங்கா அவரிடம் தங்கள் லவ் ஸ்டோரி பற்றி கொஞ்சம் சொல்லுங்கள் என்று கேட்க அதற்கு அவர்

தான் நடிகர் ராமராஜனை காதலித்து திருமணம் செய்தது முதல் தங்களது லவ் ஸ்டோரி கூறிவிட்டு, தங்கள் இருவருக்கும் விவாகரத்து நடந்திருந்தாலும் தற்பொழுதும் தான் அவரை காதலிப்பதாக கூறினார். இப்படி பிரிந்த பின்னரும் நடிகை நளினி நடிகர் ராமராஜனின் மீது தீராத காதல் கொண்டிருப்பது ரசிகர்களை ஆச்சரியத்தில் ஆழ்த்தியுள்ளது.