பெரம்பலூர் புது பஸ் ஸ்டாண்ட் வளாகத்தில் நடைபெற்ற “தமிழ்நாடு தலைகுனியாது” பரப்புரை பொதுக்கூட்டத்தில், திமுக கொள்கை பரப்புச் செயலாளர் திண்டுக்கல் ஐ.லியோனி, பிரதமர் மோடி மற்றும் எடப்பாடி பழனிசாமி தலைமையிலான தேசிய ஜனநாயகக் கூட்டணி (NDA) குறித்துத் தனது பாணியில் கிண்டலாகவும் சாடலாகவும் பேசினார். NDA என்பதற்கு “National Disaster Alliance” (தேசத்தை அழிக்க வந்த கூட்டணி) எனப் புதிய விளக்கம் அளித்த அவர், இக்கூட்டணியை “FDA” (Fraud, Dubakoor, Acting) என்றும் கடுமையாக விமர்சித்தார்.
மேலும், பிரதமர் மோடியை ஒரு “பொய் புரட்டுக்காரர்” என்று குறிப்பிட்ட லியோனி, அவர் எதையும் உருப்படியாகச் செய்யாத “டுபாக்கூர்” எனச் சாடினார். பிரதமர் குனிந்து போடும் “கூழக்கும்பிடு” யாரை ஏமாற்றுவதற்காக அல்லது யாரைக் கவிழ்ப்பதற்காக என்பது யாருக்கும் தெரியாது என்றும், இத்தகைய பாவனைகள் மூலம் மக்களை ஏமாற்றுவதில் அவர் வல்லவர் என்றும் பெரம்பலூர் மேடையில் ஆவேசமாகப் பேசினார்.