“என் மாமியாரும், கணவரும்….” கடைக்கு வந்த சில மணி நேரத்தில் மனைவிக்கு நடந்த கொடூரம்…. சிக்கிய ரத்தம் படிந்த கடிதம்… பரபரப்பு பின்னணி…!!

ஹரியானா மாநிலம் பஞ்ச்குலா மாவட்டம் பிஞ்சோர் பகுதியில் உள்ள ஆடம்பர ஆடைகள் வடிவமைப்பு கடையில், ராஜிந்தர் கவுர் (42) என்ற பெண் அவரது கணவனால் கொடூரமான முறையில் படுகொலை செய்யப்பட்டதாகக் கூறப்படும் சம்பவம் அப்பகுதியில் பெரும் அதிர்ச்சியை ஏற்படுத்தியுள்ளது.

சம்பவம் நடப்பதற்கு முன்பும், நடந்த பின்பும் கொலையாளி நடமாடிய காட்சிகள் அங்கிருந்த சிசிடிவி கேமராவில் பதிவாகியுள்ளன. மேலும், உயிரிழந்த ராஜிந்தர் கவுரின் டயரியில் இருந்து இரத்தம் படிந்த கடிதம் ஒன்றை போலீசார் மீட்டுள்ளனர். அதில் தனது மரணத்திற்குத் தனது கணவனும், மாமியார் வீட்டினருமே காரணம் என அவர் குறிப்பிட்டுள்ளதாகக் கூறப்படுகிறது. இச்சம்பவம் குறித்து வழக்குப்பதிவு செய்துள்ள போலீசார், கைப்பற்றப்பட்ட சிசிடிவி காட்சிகள் மற்றும் டயரிக் குறிப்புகளைக் கொண்டு தீவிர விசாரணை நடத்தி வருகின்றனர்.