“அடச்சீ என்ன விடுடா”… பாலியல் உறவுக்கு மறுத்த மனைவி… ஆத்திரத்தில் இரண்டாவது மாடியில் இருந்து தூக்கி வீசிய கணவன்…. உச்சகட்ட கொடூரம்…!

உத்திரபிரதேச மாநிலம் ஜான்சி மாவட்டத்தை சேர்ந்த முகேஷ் அகிர்வார் என்பவருக்கும் தீஜா என்ற பெண்ணுக்கும் கடந்த 2022 ஆம் ஆண்டு திருமணம் நடந்துள்ளது. இவர்களுடைய இல்லற வாழ்க்கை சுமார் ஓராண்டுக்கு நன்றாக சென்ற நிலையில் அதன் பிறகு முகேஷ் நடவடிக்கையில் மாற்றம் ஏற்பட்டுள்ளது. பலமுறை இரவு நேரங்களில் வீட்டுக்கு வராமல் இருந்துள்ளார். இது தொடர்பாக மனைவி கேட்ட போது அவரை திட்டி கடுமையாக தாக்கியுள்ளார். இதே போல நேற்று முன்தினம் இரவு வெளியே சென்று விட்டு நீண்ட நேரத்திற்கு பின்னர் வீடு திரும்பிய அவர் தனது மனைவியை கட்டாயப்படுத்தி அவருடன் பாலியல் உறவு கொள்ள முயற்சித்துள்ளார். அதற்கு மனைவி மறுப்பு தெரிவித்துள்ளார்.

இதனால் கோபம் அடைந்த முகேஷ் தன்னுடைய மனைவியை தூக்கிச் சென்று வீட்டின் இரண்டாவது மாடியில் இருந்து கீழே வீசியுள்ளார். உடனே அந்த பெண்ணின் அலறல் சத்தம் கேட்டு அக்கம் பக்கத்தினர் ஓடி வந்து பலத்த காயங்களுடன் உயிருக்கு போராடிய அவரை மீட்டு மருத்துவமனைக்கு அனுப்பி வைத்தனர். தற்போது அவருக்கு மருத்துவமனையில் சிகிச்சை அளிக்கப்பட்டு வரும் நிலையில் போலீசார் வழக்கு பதிவு செய்து தீவிர விசாரணை நடத்தி வருகிறார்கள்.