“அம்மாவை விடுப்பா…” கதறி அழுத பிள்ளைகள்…! ஆத்திரத்தில் கணவர் செய்த காரியம்…. மனைவிக்கு நடந்த கொடூரம்…. நடுங்க வைக்கும் சம்பவம்…!!

சேலம் மாநகர் களரம்பட்டி சலவையாளர் குடியிருப்புப் பகுதியைச் சேர்ந்த மகேந்திரன் மற்றும் ஜெயந்தி (40) தம்பதியினர், குகை பகுதியில் சொந்தமாகச் சமோசா கடை நடத்தி வந்தனர். இந்த நிலையில், ஜெயந்தியின் நடத்தையில் சந்தேகமடைந்த மகேந்திரனுக்கும் அவருக்கும் இடையே அடிக்கடி தகராறு ஏற்பட்டு வந்துள்ளது. நேற்று காலையிலும் இருவருக்கும் இடையே வாக்குவாதம் முற்றி ஒருவரையொருவர் தாக்கிக் கொண்ட சூழலில், ஆத்திரமடைந்த மகேந்திரன் நைலான் கயிற்றால் மனைவியின் கழுத்தை நெரித்துள்ளார்.

பெற்ற குழந்தைகளின் கண்முன்னே ஜெயந்தி அலறித் துடித்த சத்தம் கேட்டு அக்கம் பக்கத்தினர் ஓடிவருவதற்குள், அவர் சம்பவ இடத்திலேயே பரிதாபமாக உயிரிழந்தார். இதுகுறித்துத் தகவலறிந்து வந்த கிச்சிப்பாளையம் காவல்துறையினர், ஜெயந்தியின் உடலைக் கைப்பற்றி பிரேதப் பரிசோதனைக்காக அரசு மருத்துவமனைக்கு அனுப்பி வைத்ததுடன், கொலை வழக்குப் பதிவு செய்து தீவிர விசாரணை மேற்கொண்டு வருகின்றனர்.