மராட்டிய மாநிலம் பர்பானி மாவட்டம் வாடி கிராமத்தில் வசித்து வருபவர் விஜய் ரத்தோட். 35 வயதான இவருக்கும், வித்யா என்பவருக்கும் திருமணம் நடந்த நிலையில் ஆரம்பத்தில் இருந்தே விஜய் ரத்தோட்டிற்கு மனைவியின் மீது சந்தேகம் ஏற்பட்டது. இது தொடர்பாக இருவருக்கும் அடிக்கடி சண்டை வந்துள்ளது. இந்த நிலையில் சில தினங்களுக்கு முன்பாக வாய் தகராறு முற்றி இனிமேலும் உன்னோடு வாழ முடியாது என்று கணவரிடம் கூறிவிட்டு வித்யா பெற்றோர் வீட்டுக்கு சென்று விட்டார். இதனால் ஆத்திரமடைந்த விஜய் ரத்தோட் தன்னுடைய whatsapp ஸ்டேட்டசில் மனைவியின் புகைப்படத்தை வெளியிட்டு இரங்கல் செய்தியை பதிவிட்டார்.
இது உறவினர்கள் மத்தியில் அதிர்ச்சியை ஏற்படுத்தியது. இந்த நிலையில் சம்பவத்தன்று விஜய் தனது அவருடைய பெற்றோர் வீட்டிற்கு சென்று சமாதானம் செய்ய சென்றுள்ளார். அப்போது இருவருக்கும் இடையே கடுமையான வாக்குவாதம் ஏற்பட்டுள்ளது. என்னுடைய புகைப்படத்தை வெளியிட்டு எப்படி இரங்கல் தெரிவிக்கலாம் என்று சண்டை போட்டுள்ளார் வித்யா. இதனால் தகராறு முற்றிய நிலையில் வித்யாவை விஜய் சாரமாறியாக கத்தியால் குத்தியுள்ளார். இதனால் ரத்த வெள்ளத்தில் கீழே சரிந்த வித்யாவை அருகில் உள்ள மருத்துவமனைக்கு கொண்டு சென்றுள்ளார்கள். ஆனால் செல்லும் வழியில் பரிதாபமாக உயிரிழந்துள்ளார். இது குறித்து காவல்துறையினர் விஜய் மீது வழக்கு பதிவு செய்து விசாரணை மேற்கொண்டு வருகிறார்கள்.