மனைவி மீது வந்த சந்தேகம்… பிறப்புறுப்பில் ஆசிட் ஊற்றிய கணவன்… ஒரு மாதத்திற்கு பின் வெளிவந்த பகீர் உண்மை…. போலீசாரே அதிர்ந்து போன சம்பவம்…!

மகாராஷ்டிர மாநிலம் புனே மாவட்டத்தில், தன் மனைவிக்கு வேறொருவருடன் கள்ளத்தொடர்பு இருப்பதாக சந்தேகித்த கணவன் ஒருவன், அவரது அந்தரங்க உறுப்புகளில் தரை சுத்தம் செய்யும் அமிலத்தை (Acid) ஊற்றி கொடூரமாக சித்திரவதை செய்துள்ள சம்பவம் நாடு முழுவதும் பெரும் அதிர்ச்சியை ஏற்படுத்தியுள்ளது. புனே கிராமப்புற பகுதியில் வசித்து வரும் 25 வயதுடைய இளம் பெண் ஒருவர், தனது கணவரால் மனிதாபிமானமற்ற முறையில் நடத்தப்பட்டது குறித்து உருளி காஞ்சன் காவல் நிலையத்தில் புகார் அளித்ததைத் தொடர்ந்தே, இந்த கொடூர சம்பவம் வெளிச்சத்திற்கு வந்துள்ளது. வெல்டராக வேலை பார்த்து வரும் அந்த நபர், கடந்த ஏப்ரல் 20ஆம் தேதி அன்று மனைவியுடன் ஏற்பட்ட கடுமையான வாக்குவாதத்தின் உச்சகட்டமாக இந்த விபரீத செயலில் ஈடுபட்டுள்ளார்.

ஆத்திரத்தில் மனைவியை சரமாரியாக தாக்கிய அந்த நபர், வீட்டில் இருந்த தரை சுத்தம் செய்யும் அமிலத்தை எடுத்து அந்த பெண்ணின் பிறப்புறுப்பில் ஊற்றியுள்ளார். இதனால் கடுமையான எரியூட்டும் வலியால் துடித்த அந்த பெண், தன்னை உடனடியாக மருத்துவமனைக்கு அழைத்துச் செல்லுமாறு கணவரிடம் கெஞ்சியுள்ளார். ஆனால், அந்த மனிதாபிமானமற்ற கணவனோ அவருக்கு எவ்வித மருத்துவ சிகிச்சையும் அளிக்காமல், வீட்டின் உள்ளேயே பூட்டி சிறை வைத்துள்ளார். மேலும், இச்சம்பவம் குறித்து வெளியே யாருக்கேனும் தெரியப்படுத்தினாலோ அல்லது காவல்துறையை அணுகினாலோ கொலை செய்துவிடுவேன் என்றும் கடுமையான மிரட்டல் விடுத்துள்ளார்.

கணவனின் மிரட்டலுக்கு பயந்து, கடுமையான உடல் மற்றும் மன வேதனையுடன் கிட்டத்தட்ட ஒரு மாத காலம் அந்த பெண் வீட்டிலேயே முடங்கிக் கிடந்துள்ளார். சமீபத்தில், ஒருவழியாக அங்கிருந்து தப்பித்து சோலாப்பூர் பகுதியில் உள்ள தனது பெற்றோர் வீட்டிற்குச் சென்ற அந்த பெண், தனக்கு நேர்ந்த கொடூர சித்திரவதைகளை கூறி அழுதுள்ளார். இதைக் கேட்டு அதிர்ச்சியடைந்த பெற்றோரும் குடும்பத்தினரும் அவருக்கு தைரியம் கூறி, உடனடியாக புனேவிற்கு அழைத்து வந்து உருளி காஞ்சன் காவல் நிலையத்தில் முறைப்படி புகார் அளிக்கச் செய்துள்ளனர்.

பெண்ணின் புகாரைப் பெற்றுக்கொண்ட காவல்துறையினர், அந்த கணவர் மீது பாரதிய நியாய சம்ஹிதா (BNS) சட்டத்தின் கீழ் கடுமையான காயம் ஏற்படுத்துதல், சட்டவிரோதமாக அடைத்து வைத்தல் மற்றும் குற்றவியல் மிரட்டல் உள்ளிட்ட பல்வேறு பிரிவுகளின் கீழ் வழக்குப்பதிவு செய்து தீவிர விசாரணை நடத்தி வருகின்றனர். பழிவாங்கும் எண்ணத்தோடும் சந்தேக புத்தியோடும் பெண்களுக்கு எதிராக நடத்தப்படும் இதுபோன்ற குடும்ப வன்முறைகள் சமுதாயத்தில் இன்னும் தொடர்ந்து அதிகரித்து வருவதையே இச்சம்பவம் மீண்டும் ஒருமுறை கவலையோடு வெளிச்சத்திற்கு கொண்டு வந்துள்ளது.