“எவன் கூட டீ தொடர்புல இருக்க, செத்துப்போ”…. சரமாரி வெட்டு… இரத்தக்கறையோடு போலீஸ் ஸ்டேஷனுக்கு வந்த கணவன்… ராமநாதபுரத்தில் அரங்கேறிய கொடூரம்….!

ராமநாதபுரம் மாவட்டம் வைகை நகர் பகுதியில் குடும்பத் தகராறு காரணமாக மனைவியையும் மாமியாரையும் கணவன் அரிவாளால் வெட்டிக்கொலை செய்த சம்பவம் அப்பகுதியில் பெரும் அதிர்ச்சியையும் சோகத்தையும் ஏற்படுத்தியுள்ளது. வெளிநாட்டில் பணியாற்றி வந்த செல்லமுத்து என்பவருக்கும், அவரது மனைவி சர்மிளாவிற்கும் இடையே கடந்த சில காலமாகவே குடும்பப் பிரச்சினை காரணமாக அடிக்கடி தகராறு ஏற்பட்டு வந்துள்ளது. இந்த நிலையில், நேற்று காலையிலும் இருவருக்கும் இடையே வாக்குவாதம் மீண்டும் வெடித்துள்ளது.

வாக்குவாதம் எல்லை மீறியதால் ஆத்திரமடைந்த செல்லமுத்து, வீட்டில் மறைத்து வைத்திருந்த அரிவாளால் மனைவி சர்மிளா மற்றும் அரசு ஆசிரியையான மாமியார் பத்மாவதி ஆகிய இருவரையும் சரமாரியாக வெட்டியுள்ளார். இதில் பலத்த காயமடைந்த இருவரும் சம்பவ இடத்திலேயே பரிதாபமாக உயிரிழந்தனர். இக்கொடூரச் சம்பவத்திற்குப் பிறகு, செல்லமுத்து கொலையுறுத்திய அரிவாளுடனேயே நேரடியாக ராமநாதபுரம் கேணிக்கரை காவல் நிலையத்திற்குச் சென்று சரணடைந்தார்.

தகவலறிந்து வந்த ராமநாதபுரம் மாவட்ட காவல் கண்காணிப்பாளர் தலைமையிலான போலீசார் உயிரிழந்தவர்களின் உடல்களைக் கைப்பற்றி பிரேதப் பரிசோதனைக்காக அரசு மருத்துவமனைக்கு அனுப்பி வைத்தனர். தடயவியல் நிபுணர்கள் சம்பவ இடத்தில் சோதனையிட்டு ஆதாரங்களைச் சேகரித்துள்ளனர். இத்தம்பதியரின் இரண்டு குழந்தைகள் தாய் மற்றும் பாட்டியின் உடல்களைக் கண்டு கதறி அழுத காட்சி அங்கிருந்தவர்களைக் கலங்கச் செய்தது. மனைவிக்குத் திருமணத்திற்குப் புறம்பான உறவு இருந்ததாக செல்லமுத்து கூறியதாகத் தகவல்கள் வெளியாகி உள்ள நிலையில், இக்கொலைக்கான முழுமையான காரணம் குறித்து போலீசார் பல கோணங்களில் தீவிர விசாரணை நடத்தி வருகின்றனர்.