மகளிர் உரிமைத் தொகை ₹5,000-ஆல் நேர்ந்த விபரீதம்… மனைவியின் ஏடிஎம் கார்டை ரகசியமாகப் பயன்படுத்திய கணவர்… கடைசியில் தற்கொலையில் முடிந்த சோகம்..!!

விருதுநகர் மாவட்டம் நெடுங்குளத்தைச் சேர்ந்த ஈஸ்வரன் என்பவர், தனது மனைவி ராமுவின் வங்கித் கணக்கிற்கு வந்த மகளிர் உரிமைத்தொகையை அவருக்குத் தெரியாமல் எடுத்துச் செலவு செய்த விவகாரம் ஒரு பெரும் துயரத்தில் முடிந்துள்ளது. மனைவிக்கு அரசு வழங்கிய சிறப்பு நிதியுதவியான ₹5,000-த்தை ஈஸ்வரன் அவரது ஏடிஎம் (ATM) கார்டைப் பயன்படுத்தி ரகசியமாக எடுத்துள்ளார். இந்தத் தகவல் தெரியவந்ததும் தம்பதியினரிடையே கடும் வாக்குவாதம் ஏற்பட்டுள்ளது.

இந்த மோதலால் ஆத்திரமடைந்த மனைவி ராமு, கோபித்துக்கொண்டு தனது தாய் வீட்டுக்குச் சென்றுவிட்டார். மனைவியின் பிரிவாலும், தான் செய்த செயலால் ஏற்பட்ட மன உளைச்சலாலும் மிகுந்த வேதனையடைந்த ஈஸ்வரன், யாரும் இல்லாத நேரத்தில் தூக்கிட்டுத் தற்கொலை செய்துகொண்டார். ஒரு சிறிய பணத் தகராறு ஒரு உயிரைப் பறித்த இந்தச் சம்பவம் அப்பகுதியில் பெரும் அதிர்ச்சியையும் சோகத்தையும் ஏற்படுத்தியுள்ளது.