உத்தரப் பிரதேச மாநிலம் கான்பூரில், மனைவியின் ஒரு கொடூரமான வாட்ஸ்அப் செய்தியால் மனமுடைந்த கணவர் தற்கொலை செய்து கொண்ட சம்பவம் பெரும் அதிர்ச்சியை ஏற்படுத்தியுள்ளது. அந்த நபர் தூக்கிட்டு தற்கொலை செய்து கொள்வதற்கு முன்னதாக, தனது மனைவியுடன் ஏற்பட்ட தகராறு காரணமாக மிகுந்த மன உளைச்சலில் இருந்துள்ளார். தம்பதியினருக்கு இடையே நீண்ட நாட்களாக குடும்பப் பிரச்சினை இருந்து வந்த நிலையில், கணவர் எடுத்த இந்த விபரீத முடிவு அந்தப் பகுதியில் சோகத்தை ஏற்படுத்தியுள்ளது.
தற்கொலை செய்து கொள்வதற்கு முன்பாக அந்த நபரின் மனைவி அவருக்கு அனுப்பிய வாட்ஸ்அப் செய்திதான் இந்த வழக்கின் முக்கியத் திருப்பமாக அமைந்துள்ளது. அதில், “நீ செத்துப் போ… நீ ஒரு கோழை என்று உன் குழந்தையிடம் நான் வளர்க்கும் போது சொல்வேன்” என்று மனைவி பதிவிட்டுள்ளார். தனது சொந்த மனைவியே தன்னை ‘கோழை’ என்று அழைத்ததும், எதிர்காலத்தில் குழந்தையிடம் தன்னைப்பற்றி தவறாகச் சித்திரிக்கப் போவதாகக் கூறியதும் அந்த இளைஞரை நிலைகுலையச் செய்துள்ளது.
தகவலறிந்து சம்பவ இடத்திற்கு வந்த காவல்துறையினர், உயிரிழந்தவரின் உடலைக் கைப்பற்றி பிரேதப் பரிசோதனைக்கு அனுப்பி வைத்தனர். மேலும், அவரது அலைபேசியைச் சோதனையிட்டபோது மனைவியின் அந்த சர்ச்சைக்குரிய வாட்ஸ்அப் மெசேஜ் ஆதாரமாகக் கிடைத்துள்ளது. இது தொடர்பாக வழக்குப் பதிவு செய்துள்ள போலீசார், மனைவியின் தூண்டுதல் காரணமாகவே இந்த தற்கொலை நிகழ்ந்ததா என்ற கோணத்தில் தீவிர விசாரணை நடத்தி வருகின்றனர்.
குஜராத் மாநிலம் சூரத் பகுதியில், வாங்கிய கடனைத் திருப்பிக் கொடுக்காததால் ஏற்பட்ட தகராறில் சக ஊழியரின் தலையைத் துண்டித்து மயானத்தில்…
பீகார் மாநிலம் பக்ஸார் மாவட்டத்தைச் சேர்ந்த ஊரக வளர்ச்சி அதிகாரி அல்பிதா சிங், கடந்த எட்டு மாதங்களாகத் தனக்கு சம்பளம்…
பெங்களூரு யெலஹங்கா பகுதியில், தனது மகளுடன் பழகியதாகக் கூறி கேரளாவைச் சேர்ந்த 22 வயது தொழிலாளியை அவரது முதலாளியே அடித்துக்…
உத்தரப் பிரதேச மாநிலம் பராபங்கியைச் சேர்ந்த சந்தீப் வர்மா என்பவரும் ரீமா வர்மா (30) என்பவரும் காதலித்து திருமணம் செய்து…
திருவாரூர் வடம்போக்கி பகுதியைச் சேர்ந்தவர் சங்கர்ராமன் (73). இவர் அங்குள்ள தெட்சிணாமூர்த்தி மடத்தில் பணியாற்றி வந்தார். இந்நிலையில், தியாகராஜர் கோயில்…
பெங்களூருவின் பன்னேருகட்டா பகுதி அருகே சி.கே. பாளையா சாலையில் அமைந்துள்ள 'ஹலேவூரு கபாப் சென்டர்' உணவகத்தில் அக்டோபர் 28 அன்று…