வரலாசி மாவட்டத்தில் உள்ள பிரபல மருத்துவமனையில் ரக்சா பந்தன் தினத்தன்று வரதட்சணை கேட்டு மனைவியை கணவர் தீயிட்டுக் கொன்ற கோரச் சம்பவம் பெரும் அதிர்ச்சியை ஏற்படுத்தியுள்ளது. கடந்த ஆண்டு பிப்ரவரி மாதம் நடைபெற்ற இத்திருமணத்தின் போது ரொக்கம் மற்றும் சீர்வரிசைகள் வழங்கப்பட்ட போதிலும், கூடுதல் வரதட்சணையாக மோட்டார் சைக்கிள், தங்கச் சங்கிலி மற்றும் பணம் கேட்டு கணவர் மற்றும் அவரது குடும்பத்தினர் தொடர்ந்து சித்திரவதை செய்துள்ளனர்.
குடும்பத்தின் வறுமை காரணமாக இந்தத் கோரிக்கைகளை நிறைவேற்ற முடியாத நிலையில், மனைவி என்றும் இல்லாத அளவுக்கு கடுமையாகத் தாக்கப்பட்டு எரிக்கப்பட்டுள்ளார். மருத்துவமனையில் அனுமதிக்கப்பட்டிருந்த அவர் தற்போது சிகிச்சை பலனின்றி உயிரிழந்ததுடன், கணவர் உள்பட ஒட்டுமொத்த குடும்பத்தினரும் தலைமறைவாகியுள்ளனர்; மேலும், மருத்துவமனை பில்லைச் செலுத்தக் கூட வழியின்றி அவரது ஏழைத் தந்தை பரிதவித்து வருகிறார்.
https://twitter.com/sirajnoorani/status/2093646424353517814/video/1
சம்பந்தப்பட்ட சையத் ராஜா காவல் நிலையத்தில் பாதிக்கப்பட்ட பெண்ணின் தந்தை புகார் அளித்துள்ள போதிலும், இதுவரை எந்தவொரு முதல் தகவல் அறிக்கையும் பதிவு செய்யப்படவில்லை அல்லது உரிய நடவடிக்கையும் எடுக்கப்படவில்லை. மகளை இழந்த துயரத்திலும், மருத்துவமனைச் செலவுக்கும், நீதிக்காகவும் போராடி வரும் இக்குடும்பத்திற்கு காவல்துறை உடனடியாக நடவடிக்கை எடுத்து நீதி பெற்றுத் தர வேண்டும் என்ற கோரிக்கை வலுத்துள்ளது.