“நானும் என் புருஷனும் உன் வீட்டுக்கு வாரோம்” தாய்மாமனுக்கு வந்த அழைப்பு… கொஞ்ச நேரத்தில் ஏரிக்கரையில் காத்திருந்த அதிர்ச்சி…!!

புதுச்சேரி மாநிலம் முத்தியால்பட்டியை சேர்ந்தவர் பார்த்திபன்(31).  இவர் கடந்த 2022-ஆம் வருடம் கீர்த்திகா என்பவரை காதலித்து திருமணம் செய்து கொண்டார். இவர்களுக்கு திருமணமாகி 3 வருடங்கள் ஆகியும் குழந்தை இல்லை. இந்த நிலையில் கீர்த்திகா சம்பவத்தன்று மதியம் 2 மணியளவில் தன்னுடைய தாய் மாமன் சதீஷ் என்பவரை தொடர்பு கொண்டு பேசியிருக்கிறார். பிறகு நானும் என்னுடைய கணவரும் உங்களோட வீட்டிற்கு வந்து கொண்டிருக்கிறோம் என்று கூறியிருக்கிறார். ஆனால் அவர்கள் சதீஷ் வீட்டிற்கு செல்லாமல் ஏரிக்கரைக்கு சென்றுள்ளார்கள். பிறகு தாங்கள் இருவரும் வைத்திருந்த விஷத்தை எடுத்து குடித்துள்ளார்கள் .

சிறிது நேரம் கழித்து சதீஷ் மீண்டும் செல்போனில் தொடர்பு கொண்ட அவர்கள் நானும், என்னுடைய கணவரும் விஷம் குடித்து விட்டதாக கூறியிருக்கிறார். இதை கேட்டு அதிர்ச்சி அடைந்த சதீஷ் சம்பவ இடத்திற்கு விரைந்து சென்று பார்த்த போது அவர்கள் மயங்கிய நிலையில் கிடந்துள்ளார்கள். பிறகு அவர்களை மீட்டு மருத்துவமனையில் கொண்டு சேர்த்துள்ளார். ஆனால் ஏற்கனவே அவர்கள் இறந்து விட்டதாக மருத்துவர்கள் தெரிவித்துள்ளார்கள். உயிரிழந்த கணவன் மனைவி உடல்களை கைப்பற்றி பிரேத பரிசோதனைக்காக அனுப்பி வைத்துள்ளார்கள்.  மேலும் திருமணம் ஆகி 3 வருடங்கள் ஆகியும் குழந்தை இல்லாத இயக்கத்தில் தற்கொலை செய்து கொண்டார்களா?  அல்லது வேறு ஏதேனும் காரணம் உள்ளதா? என்பதை குறித்து விசாரணை நடத்தி வருகிறார்கள்.