பழைய வங்கி கணக்கில் இருக்கும் பணத்தை திரும்ப பெறுவது எப்படி…? ஈஸி டிப்ஸ் இதோ…!!

உங்களுடைய பழைய வங்கிக் கணக்குகளில் இருக்கும் பணத்தைத் திரும்பப் பெறுவதற்கு ரிசர்வ் வங்கி (RBI) சில வழிகளைக் கொடுத்துள்ளது. ஒருவர் அல்லது அவரது குடும்பத்தைச் சேர்ந்தவரின் வங்கிக் கணக்கு 10 ஆண்டுகளுக்கும் மேலாகச் செயல்படாமல் இருந்தால், அதில் உள்ள பணம் ரிசர்வ் வங்கியின் வைப்பாளர் கல்வி மற்றும் விழிப்புணர்வு (DEA) நிதியில் சேர்க்கப்பட்டிருக்கும். ஆனாலும், அந்தப் பணத்தை நீங்கள் வட்டியுடன் திரும்பப் பெறலாம்.

• கோரப்படாத வைப்புத் தொகைகள் குறித்துச் சரிபார்க்க, நீங்கள் ரிசர்வ் வங்கியின் https://udgam.rbi.org.in என்ற இணையதளத்தில் பார்க்கலாம். அல்லது உங்கள் வங்கியின் கிளைக்கு  சென்றும் தகவல்களைக் கேட்கலாம்.

     

• ஆவணங்கள்: வங்கிக் கிளையிலோ அல்லது இணையதளத்திலோ பணத்தைத் திரும்பக் கோர, நீங்கள் கேஒய்சி (KYC) சரிபார்ப்பை முடிக்க வேண்டும். இதற்கு ஆதார் கார்டு, பாஸ்போர்ட், வாக்காளர் அடையாள அட்டை, அல்லது ஓட்டுநர் உரிமம் போன்ற ஆவணங்கள் தேவைப்படும்.

• சிறப்பு முகாம்: கோரப்படாத வைப்புத் தொகைகளைத் திரும்பப் பெறுவதற்காக, அக்டோபர் முதல் டிசம்பர் மாதம் வரை சிறப்பு முகாம்கள் நடைபெறுகின்றன.

ரிசர்வ் வங்கி இந்த முக்கியமான தகவலை வாடிக்கையாளர்களுக்கு SMS மூலம் அனுப்பி விழிப்புணர்வு ஏற்படுத்தி வருகிறது. எனினும், வாடிக்கையாளர்கள் ரிசர்வ் வங்கியின் அதிகாரப்பூர்வ எண்ணில் இருந்து வரும் செய்திகளை மட்டும் நம்பி, போலியான செய்திகளில் எச்சரிக்கையுடன் இருக்க வேண்டும்.