ஐயோ பாவம்… சுதந்திர தின விழாவில் கோர விபத்து… மொட்டைமாடி கைப்பிடிச்சுவர் இடிந்து குழந்தை பரிதாப பலி… நெஞ்சை பதறவைக்கும் பகீர் வீடியோ…!

சம்பல் மாவட்டம் அஸ்மோலி காவல் நிலைய எல்லைக்குட்பட்ட மடாலா கிராமத்தில் உள்ள ஒரு தனியார் பள்ளியில், சுதந்திர தின விழாவின் போது சோகமான விபத்து ஒன்று நிகழ்ந்தது. பள்ளியில் நடைபெற்ற கலைநிகழ்ச்சிகளைக் காண்பதற்காக ஏராளமான குழந்தைகள் ஒரே நேரத்தில் அங்கிருந்த வராண்டா கைப்பிடிச் சுவரில் ஒன்று கூடினர். குழந்தைகளின் சுமையைத் தாங்க முடியாமல் அந்தச் சுவர் திடீரென இடிந்து விழுந்ததில் பெரும் பரபரப்பும் பீதியும் ஏற்பட்டது.

இந்த எதிர்பாராத இடிபாடுகளில் சிக்கி கீழே விழுந்ததில் ஒரு குழந்தை பரிதாபமாக உயிரிழந்தது. மேலும் இரண்டு குழந்தைகள் பலத்த காயமடைந்தனர். தகவலறிந்து சம்பவ இடத்திற்கு உடனடியாக விரைந்து வந்த காவல்துறையினர், காயமடைந்த குழந்தைகளை மீட்டு அவசர சிகிச்சைக்காக மருத்துவமனைக்கு அனுப்பி வைத்தனர்.

https://twitter.com/nextminutenews7/status/2088581035215016355/video/1

தற்போது மருத்துவமனையில் அனுமதிக்கப்பட்டுள்ள இரு குழந்தைகளின் உடல்நிலையும் தொடர்ந்து கண்காணிக்கப்பட்டு வருகிறது. இச்சம்பவம் குறித்து காவல்துறையினர் வழக்குப் பதிவு செய்து விசாரணை நடத்தி வரும் நிலையில், சுதந்திர தின விழாவில் நடந்த இந்த சோக சம்பவம் அப்பகுதி மக்களிடையே பெரும் அதிர்ச்சியையும் சோகத்தையும் ஏற்படுத்தியுள்ளது.