இரவோடு இரவாக நடந்த திருப்பம்..! தவெக கட்சியில் இணைந்த திமுக நிர்வாகி… அதிர்ச்சியில் ஸ்டாலின்..!!

தேனி மாவட்டம் ஆண்டிப்பட்டி திமுக ஒன்றிய துணை செயலாளரும், 6-வது வார்டு மாவட்ட கவுன்சிலருமான ஜி.மறவபட்டி மகாராஜன் நேற்று (ஜூன் 06) திமுகவிலிருந்து விலகி தமிழக வெற்றிக் கழகத்தில் (தவெக) அதிகாரப்பூர்வமாக இணைந்துள்ளார். தேனி தெற்கு தவெக மாவட்ட செயலாளர் லெஃப்ட் பாண்டி தலைமையில் நடைபெற்ற இந்த நிகழ்வில், அமைச்சர் சி.டி.ஆர். நிர்மல்குமார் முன்னிலையில் அவர் தவெகவில் தன்னை இணைத்துக் கொண்டார். சட்டமன்றத் தேர்தல் நெருங்கி வரும் சூழலில், ஆளுங்கட்சியான திமுகவின் முக்கியப் பொறுப்பில் உள்ள ஒரு நிர்வாகி தவெகவில் இணைந்திருப்பது அரசியல் வட்டாரத்தில் பெரும் பரபரப்பை ஏற்படுத்தியுள்ளது.

மறவபட்டி மகாராஜனுடன் சேர்த்து திமுக, அதிமுக, அமமுக உள்ளிட்ட பல்வேறு மாற்றுக் கட்சிகளைச் சேர்ந்த முக்கிய நிர்வாகிகள் மற்றும் தொண்டர்களும் தங்களது தாய் கட்சிகளில் இருந்து விலகி தவெகவில் தங்களை இணைத்துக் கொண்டனர். தமிழக வெற்றிக் கழகத்தின் கொள்கைகளாலும், கட்சித் தலைமையின் செயல்பாடுகளாலும் ஈர்க்கப்பட்டு இந்த முடிவை எடுத்ததாக அவர்கள் தெரிவித்துள்ளனர். பல்வேறு கட்சிகளில் இருந்து தொடர்ந்து வரும் இந்த அடுத்தடுத்த சேர்க்கைகள், தேனி மாவட்டத்தில் தவெகவின் பலத்தை மேலும் அதிகரித்துள்ளதோடு மற்ற கட்சிகளுக்குப் பெரும் பின்னடைவாகவும் பார்க்கப்படுகிறது.