“காமவெறியில் முடிந்த ரத்த பாசம்!… சொந்த பேத்தியையே சிதைத்துக் கொன்ற தாத்தா… திரிபுராவில் நடந்த நெஞ்சை பதறவைக்கும் சம்பவம்”…!!!

திரிபுரா மாநிலம் சிபாஹிஜாலா மாவட்டத்தில் உள்ள சோனாமுரா பகுதியில், 10-ம் வகுப்பு மாணவி ஒருவர் மர்மமான முறையில் உயிரிழந்த சம்பவம் பெரும் அதிர்ச்சியை ஏற்படுத்தியுள்ளது. சந்தன்முரா கிராமத்தைச் சேர்ந்த 16 வயதான அந்தச் சிறுமி, கடந்த வெள்ளிக்கிழமை அவரது வீட்டில் சடலமாக மீட்கப்பட்டார். சிறுமியின் தாய் ஏற்கனவே உயிரிழந்த நிலையில், தந்தை பெங்களூருவில் பணியாற்றி வருகிறார். தந்தை மறுமணம் செய்து கொண்டதால், அந்தச் சிறுமி தனது 70 வயது தாத்தா மற்றும் பாட்டியின் பராமரிப்பில் வளர்ந்து, அங்குள்ள பள்ளியில் 10-ம் வகுப்பு படித்து வந்துள்ளார்.

வெள்ளிக்கிழமை அன்று வீட்டில் யாரும் இல்லாத நேரத்தில் இந்த விபரீதம் நிகழ்ந்ததாகக் கூறப்படுகிறது. சிறுமி மர்மமான முறையில் இறந்து கிடப்பதைக் கண்டு அதிர்ச்சியடைந்த அக்கம்பக்கத்தினர் மற்றும் உறவினர்கள் போலீசாருக்குத் தகவல் தெரிவித்தனர். சம்பவ இடத்திற்கு விரைந்து வந்த போலீசார், சிறுமியின் உடலைக் கைப்பற்றி பிரேதப் பரிசோதனைக்காக அனுப்பி வைத்தனர். இது கொலையா அல்லது தற்கொலையா என்ற கோணத்தில் போலீசார் தீவிர விசாரணை நடத்தி வருகின்றனர். ஒரு இளம் மாணவி தனது வீட்டில் மர்மமான முறையில் உயிரிழந்தது அந்தப் பகுதி மக்களிடையே பெரும் சோகத்தையும் அச்சத்தையும் ஏற்படுத்தியுள்ளது.