தமிழ்நாட்டில் கடந்த சில நாட்களாக உச்சத்தில் இருந்து வந்த தங்கம் விலை, இன்று (மார்ச் 06) அதிரடியாகக் குறைந்து நுகர்வோரிடையே நிம்மதியை ஏற்படுத்தியுள்ளது. சென்னையில் இன்று ஆபரணத் தங்கம் ஒரு சவரனுக்கு ரூ.1,280 குறைந்து, ரூ.1,19,680-க்கு விற்பனை செய்யப்படுகிறது. அதேபோல், ஒரு கிராம் தங்கம் நேற்று ரூ.15,120-க்கு விற்ற நிலையில், இன்று ரூ.160 குறைந்து ரூ.14,960-க்கு விற்பனையாகிறது.
தங்கத்தைத் தொடர்ந்து வெள்ளி விலையிலும் இன்று கணிசமான சரிவு ஏற்பட்டுள்ளது. ஒரு கிராம் வெள்ளி ரூ.5 குறைந்து ரூ.295-க்கும், ஒரு கிலோ வெள்ளி நேற்று விற்ற விலையை விட ரூ.5,000 குறைந்து ரூ.2,95,000-க்கும் விற்பனை செய்யப்படுகிறது. சர்வதேச சந்தையில் நிலவும் மாற்றங்கள் காரணமாக இந்த விலை வீழ்ச்சி ஏற்பட்டுள்ள நிலையில், இல்லத்தரசிகளும் நகைப்பிரியர்களும் இதனை மகிழ்ச்சியுடன் வரவேற்றுள்ளனர்.