சென்னையில் ஆபரணத் தங்கத்தின் விலை தொடர்ந்து இரண்டாவது நாளாக அதிகரித்துச் சவரன் ரூ.1,02,400-ஐ எட்டியுள்ளது நடுத்தர மக்கள் மற்றும் நகைப் பிரியர்களிடையே பெரும் அதிர்ச்சியை ஏற்படுத்தியுள்ளது. சர்வதேசச் சந்தை நிலவரங்கள் காரணமாகத் தங்கத்தின் விலை இந்தியாவில் தொடர் உயர்வைச் சந்தித்து வருகிறது. இதன் தொடர்ச்சியாகச் சென்னையில் 22 கேரட் ஆபரணத் தங்கத்தின் விலை கிராமுக்கு ரூ.25 உயர்ந்து 1 கிராம் ரூ.12,800-க்கு விற்பனை செய்யப்படுகிறது.
இதன் மூலம் தங்கத்தின் விலை சவரனுக்கு ரூ.200 உயர்ந்து, 1 சவரன் ரூ.1,02,400 என்ற வரலாற்றுச் சிறப்புமிக்க புதிய உச்சத்தைத் தொட்டுள்ளது. அதேவேளையில் வெள்ளி விலையில் எந்த மாற்றமுமின்றி 1 கிராம் ரூ.200-க்கும், 1 கிலோ வெள்ளி ரூ.2,00,000-க்கும் விற்பனை செய்யப்பட்டு வருகிறது. தங்கத்தின் விலை தொடர்ந்து உயர்ந்து வருவது திருமண சுபநிகழ்ச்சிகளுக்காக நகை வாங்கக் காத்திருக்கும் நடுத்தரக் குடும்பத்தினருக்குப் பெரும் கவலையை ஏற்படுத்தியுள்ளதால் இச்செய்தி இணையத்தில் ஹாட் டாபிக்காக மாறியுள்ளது.