பிரபல நடிகரான விஜய் வெங்கட் பிரபு இயக்கத்தில் உருவாகும் டி கிரேட்டஸ்ட் ஆஃப் ஆல் டைம் படத்தில் பிசியாக நடித்துக் கொண்டிருக்கிறார். இந்த படத்தில் விஜய்க்கு ஜோடியாக மீனாட்சி சவுத்ரி நடிக்கிறார். மேலும் பிரசாந்த், பிரபு உள்ளிட்டோர் முன்னணி கதாபாத்திரத்தில் நடிக்கின்றனர்.
டைம் ட்ராவலை மையமாக வைத்து கதை இயக்கப்பட்டுள்ளது. தனது 69-ஆவது படத்தை முடித்துவிட்டு சினிமாவில் இருந்து விலகி அரசியலில் ஈடுபட போவதாக விஜய் ஏற்கனவே அறிவித்தார். மேலும் தமிழக வெற்றிக்கழகம் என்ற கட்சியையும் தொடங்கினார்.
கோட் படத்தின் ஷூட்டிங் தற்போது இறுதி கட்டத்தை நெருங்கியுள்ளது. விரைவில் படம் குறித்த கூடுதல் அறிவிப்பு வெளியாகும் என எதிர்பார்க்கப்படுகிறது. இந்த நிலையில் பெரும் எதிர்பார்ப்புகளுக்கு மத்தியில் வருகிற செப்டம்பர் 5-ஆம் தேதி கோட் திரைப்படம் ரிலீஸ் ஆகும் என விஜய் தனது சமூக வலைதள பக்கத்தில் அறிவித்துள்ளார்.
இது குறித்த போஸ்டர் தற்போது வேகமாக பரவி வருகிறது. கோட் திரைப்படம் எப்போது வெளியாகும் என எதிர்பார்த்து காத்துக் கொண்டிருந்த ரசிகர்களுக்கு இது உற்சாகத்தை அளித்துள்ளது.
