திமுகவில் மேற்கொள்ளப்பட்டு வரும் உட்கட்சி சீரமைப்பு நடவடிக்கைகளின் காரணமாக, 70 வயதை கடந்த 13 மாவட்டச் செயலாளர்கள் தங்களது பதவிகளை இழக்கும் சூழல் உருவாகியுள்ளது. கட்சியின் தலைமை எடுக்கும் முடிவுகளுக்குக் கட்டுப்படுவதைத் தவிர வேறு வழியில்லை என்பதை இந்த மூத்த நிர்வாகிகள் உணர்ந்திருந்தாலும், தங்களுக்குப் பதிலாகத் தங்களது அரசியல் வாரிசுகளுக்கு அதே மாவட்டச் செயலாளர் பதவியை வழங்க வேண்டும் எனத் தலைமையிடம் தீவிரமாக காய் நகர்த்தி வருகின்றனர்.
இருப்பினும், வாரிசு அரசியல் என்ற விமர்சனங்களைத் தவிர்க்க முனையும் திமுக தலைமை, மூத்த நிர்வாகிகளின் இந்த கோரிக்கைக்குச் சம்மதித்து வாரிசுகளுக்குப் பதவி வழங்குமா அல்லது புதிய தலைமுறையினருக்கு வாய்ப்பளிக்குமா என்பது தற்போதைக்குக் கேள்விக்குறியாகவே நீடிக்கிறது.