“செலவு செய்த பணத்தை திருப்பிக் கேட்டது ஒரு குத்தமா?” முன்னாள் காதலனை நண்பர்களுடன் சேர்ந்து கடத்திய காதலி! சென்னையில் பரபரப்பு…!!

சென்னை கோயம்பேட்டில் சட்டக் கல்லூரி மாணவர் ஒருவரைக் கடத்திய விவகாரத்தில், அவரது முன்னாள் காதலி உட்பட இரண்டு பெண்கள் மற்றும் இருவர் என மொத்தம் நான்கு பேரை போலீசார் கைது செய்துள்ளனர். சட்டக் கல்லூரி மாணவரான சசிகுமார் என்பவர் ஒரு பெண்ணைக் காதலித்து வந்துள்ளார். இவர்களது காதல் முறிந்த நிலையில், தான் காதலித்த காலத்தில் அந்தப் பெண்ணிற்காகச் செலவு செய்த பணத்தைத் திரும்பக் கேட்டு சசிகுமார் தொடர்ந்து வலியுறுத்தி வந்துள்ளார். பணத்தைத் திருப்பித் தருமாறு அவர் கொடுத்த நெருக்கடியே இந்தக் கடத்தல் சம்பவத்திற்கு முக்கியக் காரணமாக அமைந்துள்ளது.

பணம் கேட்டுத் தொந்தரவு செய்த சசிகுமாரைத் தீர்த்துக்கட்ட முடிவு செய்த அவரது முன்னாள் காதலி, தனது நண்பர்களுடன் சேர்ந்து கடத்தல் திட்டத்தைத் தீட்டியுள்ளார். இதன்படி சசிகுமாரைக் கடத்திய ரித்தியா, சஞ்சய், சரவணன் மற்றும் தர்ஷினி ஆகிய நான்கு பேரையும் போலீசார் அதிரடியாகக் கைது செய்தனர். கடத்தலுக்குப் பயன்படுத்தப்பட்ட காரையும் போலீசார் பறிமுதல் செய்துள்ளனர். காதலித்த போது செய்த செலவைக் கேட்டதற்காக, ஒரு சட்டக் கல்லூரி மாணவரையே அவரது காதலி நண்பர்களுடன் சேர்ந்து கடத்திய சம்பவம் சென்னையில் பெரும் பரபரப்பை ஏற்படுத்தியுள்ளது.