உத்தரப் பிரதேச மாநிலம் ஹாப்பூரில், டியூஷன் வகுப்புகளுக்குச் சென்று கொண்டிருந்த சிறுமி ஒருவரைத் தனிமையில் மடக்கிப் பாலியல் வன்கொடுமை செய்ய முயன்ற அதிர்ச்சி சம்பவம் நிகழ்ந்துள்ளது. கடந்த வெள்ளிக்கிழமை (பிப்ரவரி 13, 2026) அன்று ஹாப்பூர் எல்லைக்குட்பட்ட கர் கேட் (Garh Gate) பகுதியில் இந்தச் சம்பவம் நடைபெற்றுள்ளது. சிறுமி தனது தோழிகளுடன் ஆள் நடமாட்டமில்லாத தெருவில் நடந்து சென்றபோது, அங்கு மறைந்திருந்த ஒரு மைனர் சிறுவன் திடீரெனப் பாய்ந்து வந்து சிறுமியின் கையைப் பிடித்து பலவந்தமாக ஒதுக்குப்புறமான இடத்திற்கு இழுத்துச் செல்ல முயன்றுள்ளான்.
यूपी – हापुड़ में 3 छात्राएं रास्ते से निकल रही थीं, एक मनचले लड़के ने छात्रा को खींचने का प्रयास किया। शोर मचाने पर वो भाग निकला। @hindipatrakar pic.twitter.com/02ew8ZUOlk
— Sachin Gupta (@SachinGuptaUP) February 14, 2026
இந்த இக்கட்டான சூழலில் சிறுமி காட்டிய அபார துணிச்சல் பாராட்டுக்குரியது. அச்சமடையாமல் உரத்த குரலில் கத்திய சிறுமி, அங்கிருந்த ஒரு தூணைப் (Pillar) பிடித்துக்கொண்டு அந்தச் சிறுவனிடமிருந்து தனது கையை விடுவிக்கப் போராடியுள்ளார். சிறுமியின் கூச்சல் சத்தம் கேட்டு அக்கம் பக்கத்தினர் அங்கு ஓடி வந்ததால், பயந்துபோன அந்த மைனர் சிறுவன் சம்பவ இடத்திலிருந்து தப்பியோடினான். இந்த முழுச் சம்பவமும் அங்கிருந்த சிசிடிவி (CCTV) கேமராவில் பதிவாகிச் சமூக வலைதளங்களில் வைரலாகி வருகிறது. புகாரைப் பதிவு செய்த ஹாப்பூர் போலீசார், சிசிடிவி காட்சிகளின் அடிப்படையில் அந்த மைனர் சிறுவனைக் கண்டறிந்து தற்போது காவலில் எடுத்து விசாரணை நடத்தி வருகின்றனர். பெற்றோர் அல்லது பாதுகாவலர்கள் இல்லாமல் பள்ளிகள் அல்லது டியூஷன்களுக்குச் செல்லும் சிறார்களின் பாதுகாப்பு குறித்து இந்த சம்பவம் கவலையை எழுப்புகிறது.