பகீர்.. திருச்சியில் பயங்கரம்..! மனநலம் பாதிக்கப்பட்ட இளைஞரை… ஓரினச்சேர்க்கைக்கு கட்டாயப்படுத்தி உயிருடன் எரித்துக் கொன்ற கும்பல்..! திடுக்கிடும் உண்மைகள்…!!

திருச்சி திருவானைக்காவல் கொண்டையம்பேட்டை பகுதியில் கடந்த வாரம் கண்டெடுக்கப்பட்ட எரிக்கப்பட்ட எலும்புக்கூடு குறித்து ஸ்ரீரங்கம் போலீசார் விசாரணை நடத்தினர். அதில், அந்த எலும்புக்கூடு அப்பகுதியில் காணாமல் போன வினோத்குமார் என்ற இளைஞருடையது என்பது உறுதி செய்யப்பட்டது. மனநல பாதிப்புடைய வினோத்குமார், அப்பகுதியில் உள்ள கோவில் அருகே யாசகம் பெற்று வாழ்ந்து வந்துள்ளார். அவர் கடைசியாக அதே பகுதியைச் சேர்ந்த சில இளைஞர்களுடன் சென்றது போலீசாரின் முதற்கட்ட விசாரணையில் தெரியவந்தது.

சம்பவத்தன்று வினோத்குமாருடன் மது அருந்திய வாலிபர்கள், அவரை வலுக்கட்டாயமாக ஓரினச்சேர்க்கையில் ஈடுபடுத்த முயன்றுள்ளனர். இதற்கு வினோத்குமார் கடும் எதிர்ப்பு தெரிவித்ததால், ஆத்திரமடைந்த அந்த கும்பல் அவரை சரமாரியாகத் தாக்கியுள்ளது. இதில் அவர் மயக்கமடைந்த நிலையில், ஆதாரங்களை மறைப்பதற்காக அவர் மீது பெட்ரோல் ஊற்றி உயிருடன் தீ வைத்து எரித்துக் கொலை செய்துவிட்டு அங்கிருந்து தப்பிச் சென்றுள்ளனர்.

இந்த கொடூரச் செயலில் ஈடுபட்ட திருவானைக்காவல் பகுதியைச் சேர்ந்த ஸ்ரீராம், ஸ்ரீதர், ராஜ்குமார், கருணாகரன் மற்றும் இரண்டு சிறுவர்கள் என 6 பேரை போலீசார் அடையாளம் கண்டனர். அவர்களில் 5 பேரை கைது செய்த போலீசார், நான்கு பேரை சிறையிலும், ஒரு சிறுவனை கூர்நோக்கு இல்லத்திலும் அடைத்தனர். தலைமறைவாக உள்ள மற்றொரு சிறுவனை போலீசார் தீவிரமாகத் தேடி வருகின்றனர்.