இந்தியாவில் பிரபல மதுபான பிராண்டுகளான ஓல்ட் மங்க், ராயல் சேலஞ்ச், ஆண்டிகுய்ட்டி ப்ளூ மற்றும் பேக்பைப்பர் ஆகியவற்றின் குறிப்பிட்ட சில தயாரிப்புகளை விற்பனை செய்ய இந்திய உணவு பாதுகாப்பு மற்றும் தரநிலைகள் ஆணையம் (FSSAI) தடை விதித்துள்ளது. விதிமுறைகளுக்கு முரணாக செயற்கை சுவையூட்டிகள் மற்றும் நிறமூட்டிகள் பயன்படுத்தப்பட்டதாக நடத்தப்பட்ட ஆய்வில் கண்டறியப்பட்டதைத் தொடர்ந்து இந்த அதிரடி நடவடிக்கை எடுக்கப்பட்டுள்ளது. மது பிரியர்களிடையே பெரும் வரவேற்பைப் பெற்ற முன்னணி பிராண்டுகளின் தயாரிப்புகள் மீது எடுக்கப்பட்டுள்ள இந்த நடவடிக்கை, இந்திய மதுபானத் துறையில் பெரும் அதிர்வலைகளை ஏற்படுத்தியுள்ளது.
எஃப்எஸ்எஸ்ஏஐ உத்தரவின்படி குறிப்பிட்ட உற்பத்தி நிலையங்களில் தயாரிக்கப்பட்ட சில மதுபானங்களின் விற்பனை உடனடியாக நிறுத்தி வைக்கப்பட்டுள்ளது. அதன்படி, மத்திய பிரதேசத்தில் யுனைடெட் ஸ்பிரிட்ஸ் நிறுவனம் தயாரித்த ஆண்டிகுய்ட்டி ப்ளூ, ராயல் சேலஞ்ச் விஸ்கி மற்றும் இன்ப்ரூ பெவரேஜஸ் தயாரித்த பேக்பைப்பர் ராயல் விஸ்கி, ஓல்டு கேஸ்க் டிர்பிள் எக்ஸ் ரம் ஆகியவற்றுக்கு தடை விதிக்கப்பட்டுள்ளது. அதேபோல, மகாராஷ்டிராவில் மோகன் ராக்கி ஸ்பிரிங் வாட்டர் நிறுவனத்தால் தயாரிக்கப்பட்ட ஓல்ட் மாங்க் பிராண்டின் மூன்று வகைகளும் இந்த தடைப் பட்டியலில் இடம்பெற்றுள்ளன. இந்தத் தடை குறிப்பிட்ட உற்பத்தி ஆலைகளுக்கு மட்டுமா அல்லது நாடு முழுமைக்கும் பொருந்துமா என்பது குறித்து எஃப்எஸ்எஸ்ஏஐ இன்னும் தெளிவான விளக்கம் அளிக்கவில்லை.
இந்திய உணவு பாதுகாப்பு விதிகளின்படி மதுபானங்களில் இயற்கையான சுவையூட்டிகளை மட்டுமே பயன்படுத்த அனுமதி உண்டு. ஆனால், தடையை எதிர்கொண்டுள்ள தயாரிப்புகளில் ‘விஸ்கிக்கு விஸ்கி சுவை’, ‘ரம்முக்கு ரம் சுவை’ என செயற்கையான மற்றும் இயற்கை நிகர் (Nature-identical) சுவையூட்டிகள் சேர்க்கப்பட்டது ஆய்வில் தெரியவந்துள்ளது. கரும்புச் சர்க்கரை, மால்ட் மற்றும் திராட்சை போன்ற இயற்கை மூலப்பொருட்களைப் பயன்படுத்தி பாரம்பரிய முறையில் காய்ச்சி வடித்தல் மற்றும் முதிர்ச்சியடையச் செய்யும் வழக்கமான உற்பத்திச் செயல்முறைகளைத் தவிர்க்கவே உற்பத்தியாளர்கள் இத்தகைய குறுக்கு வழிகளைக் கையாள்வதாக எஃப்எஸ்எஸ்ஏஐ சுட்டிக்காட்டியுள்ளது.
ஆண்டுக்கு சுமார் 40 பில்லியன் அமெரிக்க டாலர் மதிப்புள்ள இந்திய மதுபானச் சந்தையில், யுனைடெட் ஸ்பிரிட்ஸ் போன்ற சர்வதேச அளவிலான நிறுவனங்கள் முக்கியப் பங்கு வகிக்கின்றன. தற்போது நடவடிக்கை எடுக்கப்பட்டுள்ள பெரும்பாலான பிராண்டுகள் நடுத்தர மற்றும் குறைந்த விலைப் பிரிவைச் சேர்ந்தவை என்பதால், இவை நாடு முழுவதும் பரவலாகப் பயன்படுத்தப்பட்டு வருகின்றன. சமீபத்தில்தான் அதிக காஃபின் கொண்ட மதுபானங்களை ‘எனர்ஜி டிரிங்க்’ என்ற பெயரில் விளம்பரப்படுத்தக் கூடாது என உத்தரவிட்டிருந்த எஃப்எஸ்எஸ்ஏஐ, தற்போது மதுபான உற்பத்தியின் தரத்தை உறுதி செய்வதிலும் தனது கடுமையான கண்காணிப்பைத் தீவிரப்படுத்தியுள்ளது.
அமெரிக்காவில் உயர்கல்வி பயின்று வந்த தெலுங்கானா மாநிலத்தைச் சேர்ந்த 23 வயது மாணவி திடீரென மாயமான சம்பவம் அவரது குடும்பத்தினரிடையே…
குழந்தைகளைக் கண்காணிக்கத் தவறிவிட்டு, அனைத்துத் தவறுக்கும் மற்றவர்கள் மீது பழிபோடும் தற்காலப் பெற்றோரின் பொறுப்பற்ற போக்கு குறித்து சமூக வலைதளங்களில்…
ஏர் இந்தியா விமானத்தில் 6 அடி 8 அங்குல உயரம் கொண்ட நபர் கழிவறையைப் பயன்படுத்தும் போது படும் சிரமங்களை…
வயது வெறும் எண் மட்டுமே என்பதை மீண்டும் ஒருமுறை நிரூபிக்கும் வகையில், 78 வயதான பிரபல மூத்த பாடகி உஷா…
மும்பை வீதிகளில் மோட்டார் பொருத்தப்பட்ட சக்கர நாற்காலியில் அமர்ந்துகொண்டு, எவ்விதச் சோர்வுமின்றி உற்சாகமாகச் சொமேட்டோ உணவு விநியோகம் செய்துவரும் மாற்றுத்திறனாளி…
உத்தரப் பிரதேசத்தில் ஆசிரியர் வேலை கிடைக்காததால் ராபிடோ ஆட்டோ ஓட்டிக்கொண்டே போட்டித் தேர்வுகளுக்குத் தயாராகி வரும் இளைஞரின் வீடியோ சமூக…