ஜம்முவின் ஜானிபூர் பகுதியில் உள்ள லோயர் ரூப் நகர் சாலையில் நீரஜ் என்ற வாலிபர், தனது தம்பி ரிஷு மற்றும் நண்பர்களுடன் சேர்ந்து தனது பிறந்தநாளைக் விமரிசையாகக் கொண்டாடிக்கொண்டிருந்தார். அப்போது நள்ளிரவு கொண்டாட்டத்தின் போது, அவரது நண்பரான பவன் நாயர் என்பவர் விளையாட்டாக நீரஜின் முகத்தில் கேக்கை தடவியுள்ளார். இதனால் கடுமையாக ஆத்திரமடைந்த பர்த்டே பாய் நீரஜ், பவன் நாயருடன் பயங்கர வாக்குவாதத்தில் ஈடுபட்டுள்ளார். அங்கிருந்த மற்ற நண்பர்கள் இருவரையும் சமாதானப்படுத்த முயன்றும், ஆத்திரம் தணியாத நீரஜ் தான் மறைத்து வைத்திருந்த கூர்மையான கத்தியால் பவன் நாயரைச் சரமாரியாகக் குத்தியுள்ளார்.
இதில் பலத்த காயமடைந்து ரத்த வெள்ளத்தில் சுருண்டு விழுந்த பவன் நாயரை, நண்பர்கள் உடனடியாக மருத்துவமனைக்குத் தூக்கிச் சென்றனர். ஆனால், அதிக ரத்தப்போக்கு காரணமாக அவர் ஏற்கனவே உயிரிழந்துவிட்டதாக மருத்துவர்கள் உறுதி செய்தனர். இச்சம்பவம் தொடர்பாக வழக்குப் பதிவு செய்த போலிஸார், பிறந்தநாள் கொண்டாடிய நீரஜ் மற்றும் அவரது தம்பி ரிஷுவை அதிரடியாகக் கைது செய்து விசாரணை நடத்தி வருகின்றனர்.