இன்று முதல் மூத்த குடிமக்களுக்கு இலவச பயண டோக்கன்.. எங்கெல்லாம் வழங்கப்படுகிறது, எப்படி பெறுவது..?

சென்னையில் மூத்த குடிமக்கள் பேருந்துகளில் இலவசமாக பயணிப்பதற்காக அரசு சார்பில் டோக்கன் வழங்கப்பட்டு வருகிறது. அந்த இலவச டோக்கன் இன்று முதல் ஜூலை 31ஆம் தேதி வரை தினமும் காலை எட்டு மணி முதல் இரவு 7.30 மணி வரை வழங்கப்படும் என சென்னை மாநகரப் போக்குவரத்து கழகம் அறிவித்துள்ளது. ஜூலை மாதம் முதல் டிசம்பர் மாதம் வரை பயன்படுத்தக்கூடிய ஒரு மாதத்திற்கு 10 டோக்கன்கள் வீதம் 6 மாதங்களுக்கு கட்டணம் இல்லா பேருந்து பயண டோக்கன் இன்று முதல் வழங்கப்படுகின்றது.

இந்த டோக்கன்கள் பெறுவதற்கு இருப்பிடச் சான்று, ரேஷன் அட்டை, ஆதார் அட்டை, ஓட்டுனர் உரிமம், கல்விச் சான்றிதழ், வாக்காளர் அடையாள அட்டை ஆகியவையும் இரண்டு புகைப்படங்களும் எடுத்து வர வேண்டும். மேலும் இந்த டோக்கன்கள் அடையாறு, பெசன்ட் நகர், திருவான்மியூர், மந்தைவெளி, தியாகராய நகர், சைதாப்பேட்டை, சென்டிரல் ரெயில் நிலையம், பிராட்வே, குரோம்பேட்டை, பல்லாவரம், ஆலந்தூர், கிண்டி எஸ்டேட், அய்யப்பன்தாங்கல், வடபழனி, கே.கே.நகர், ஆதம்பாக்கம், அண்ணாநகர், கோயம்பேடு, அம்பத்தூர் எஸ்டேட், அம்பத்தூர் ஓ.டி., ஆவடி, அயனாவரம், ஐ.சி.எப்., தண்டையார்பேட்டை, சுங்கச்சாவடி, எண்ணூர், வியாசர்பாடி, மாதவரம், பாடியநல்லூர், செங்குன்றம், தாம்பரம் மெப்ஸ், பூந்தமல்லி, பெரம்பூர், வள்ளலார் நகர், செம்மஞ்சேரி, திருவொற்றியூர், கிளாம்பாக்கம், குன்றத்தூர் ஆகிய 40 பணிமனை பேருந்து நிலையங்களில் வழங்கப்படுகிறது.