மத்தியப் பிரதேசத்தின் மொரீனா மாவட்டத்தில், ரயிலில் தீப்பிடித்துவிட்டதாகப் பரவிய வதந்தியை நம்பி அவசரமாகக் கீழே இறங்கிய பயணிகள், எதிரே வந்த மற்றொரு ரயிலில் அடிபட்டு உயிரிழந்த சம்பவம் பெரும் சோகத்தை ஏற்படுத்தியுள்ளது. இந்த கோர விபத்தில் நான்கு பேர் சம்பவ இடத்திலேயே பரிதாபமாக உயிரிழந்தனர். மேலும், இதில் காயமடைந்த பல பயணிகள் உடனடியாக மீட்கப்பட்டு அருகில் உள்ள மருத்துவமனையில் சிகிச்சைக்காக அனுமதிக்கப்பட்டுள்ளனர்.
தீ விபத்து ஏற்பட்டுவிட்டதோ என்ற பயத்தில், ரயிலில் இருந்த பயணிகள் சிலர் அவசரகால அபாயச் சங்கிலியைப் பிடித்து இழுத்து ரயிலை நிறுத்தியுள்ளனர். பின்னர், ரயிலை விட்டு கீழே இறங்கிய பயணிகள், ஆபத்தை உணராமல் அருகில் இருந்த மற்றொரு தண்டவாளத்தில் தஞ்சம் புகுந்து நின்றபோது, அந்தத் தண்டவாளத்தில் அதிவேகமாக வந்த வேறொரு ரயில் அவர்கள் மீது மோதியதால் இந்த விபத்து நேரிட்டுள்ளதாகக் கூறப்படுகிறது. வதந்தியால் ஏற்பட்ட பயம் இந்த மெகா விபத்திற்கு வழிவகுத்துள்ளது.