ரூ.23 லட்சம் மோசடி விவகாரம்… பணமோசடி வழக்கில் சிக்கிய Ex அமைச்சர் சிவசங்கர்…. அடுத்த பரபரப்பு….!

போக்குவரத்துத் துறையில் வேலை வாங்கித் தருவதாகக் கூறி ₹23 லட்சம் பணமோசடி செய்த புகாரில், தமிழக முன்னாள் அமைச்சர் சிவசங்கர் மீது வழக்குப்பதிவு செய்யப்பட்டு விசாரணை வளையத்திற்குள் கொண்டுவரப்பட்டுள்ளார். தனது மகனுக்கு அரசு வேலை பெற்றுத் தருவதற்காக முன்னாள் அமைச்சரிடம் லஞ்சம் கொடுத்து ஏமாந்ததாக ஓய்வுபெற்ற போலீஸ் அதிகாரி சீனிவாசன் அளித்த புகாரின் அடிப்படையில் இந்த நடவடிக்கை எடுக்கப்பட்டுள்ளது.

இந்த விவகாரத்தில் சிவசங்கரின் உதவியாளர் இளஞ்செழியன் ஏற்கனவே காவல்துறையினரால் கைது செய்யப்பட்டுள்ள நிலையில், தற்போது இந்த மோசடி வழக்கில் முன்னாள் அமைச்சரின் பெயரும் சேர்க்கப்பட்டு, அவரிடம் தீவிர விசாரணை நடத்துவதற்காக நேரில் ஆஜராகுமாறு சம்மன் அனுப்பப்பட்டுள்ளது அரசியல் வட்டாரத்தில் பெரும் பரபரப்பை ஏற்படுத்தியுள்ளது.