இங்க காரே போகாது… இதுல ஆட்டோவா?… ஸ்பிட்டி பள்ளத்தாக்கில் பிரிட்டிஷ்… சுற்றுலாப் பயணிகளின் தெறிக்கும் சாகசம்… இணையத்தில் வைரல் வீடியோ…!

ஹிமாச்சல பிரதேசத்தில் உள்ள ஸ்பிதி பள்ளத்தாக்கில் இங்கிலாந்தைச் சேர்ந்த இரு சுற்றுலாப் பயணிகள் ஆட்டோ ரிக்‌ஷாவில் பயணம் மேற்கொண்ட சம்பவம் இணையத்தில் வைரலாகி வருகிறது. கரடுமுரடான மலைப் பாதைகள் மற்றும் கடுமையான நிலப்பரப்பு கொண்ட இப்பகுதியில், வழக்கமான கார் அல்லது பைக்குகளுக்குப் பதிலாக ஆட்டோவைப் பயன்படுத்திய அவர்களின் முயற்சி பலரையும் ஆச்சரியத்தில் ஆழ்த்தியுள்ளது.

தாபோவிலிருந்து காசாவுக்குப் பயணம் செய்த விஷால் என்ற இந்தியக் காணொளிப் பதிவாளர் , வழியில் இந்த வெளிநாட்டுச் சுற்றுலாப் பயணிகளைச் சந்தித்துள்ளார். ‘விஷால் எக்ஸ்பிரஸ்’ என்ற தனது இன்ஸ்டாகிராம் பக்கத்தில் அவர் பகிர்ந்த வீடியோவில், சுற்றுலாப் பயணிகள் தங்களின் இந்த சவாலான ஆட்டோ பயணத்தை மிகுந்த உற்சாகத்துடன் அனுபவிப்பதைக் காட்டியுள்ளார்.

https://www.instagram.com/reel/Dc3J4Lczgg6/?utm_source=ig_web_button_share_sheet

இந்த வித்தியாசமான இமயமலைப் பயணம் சமூக வலைதளங்களில் லச்சக்கணக்கான மக்களின் கவனத்தை ஈர்த்துள்ளது. இலக்கை அடைவதை விட, பயணத்தின் போது சந்திக்கும் மனிதர்களும் அனுபவமுமே அதன் உண்மையான அழகு என்பதை இந்த சாகசப் பயணம் உணர்த்துவதாக நெட்டிசன்கள் கருத்து தெரிவித்து வருகின்றனர்.