“1 நிமிடம் உறைந்துபோன கப்பல்…. நடுக்கடலில் முகத்தை மூடிய 8 கரங்கள்”…. உயிருக்குப் போராடிய மீனவர்… வைரலாகும் திகில் வீடியோ….!

பிலிப்பைன்ஸ் நாட்டைச் சேர்ந்த மீனவர் ஒருவர் வழக்கம் போல் நடுக்கடலுக்கு மீன்பிடிக்கச் சென்றபோது, எதிர்பாராத விதமாக ஒரு பெரிய ஆக்டோபஸின் பிடியில் சிக்கினார். அந்த ஆக்டோபஸ் மீனவரின் முகம் மற்றும் தலைப்பகுதியைத் தனது வலுவான கரங்களால் மிகவும் இறுக்கமாகப் பற்றிக்கொண்டது. என்ன செய்வதென்று தெரியாமல் பதறிய அந்த மீனவர், ஆக்டோபஸின் பிடியிலிருந்து விடுபடப் போராடினார். ஆனால், அதன் நீளமான கரங்கள் முகத்தை முழுமையாக மூடி இறுக்கியதால் அவரால் சுலபமாக மீள முடியவில்லை.

இறுதியில், சமயோசிதமாகச் செயல்பட்ட அந்த மீனவர் அருகில் இருந்த ஒரு இரும்பு கம்பியை எடுத்து ஆக்டோபஸ் மீது தாக்கியுள்ளார். அடியின் வலியால் ஆக்டோபஸ் தனது பிடியை மெல்ல மெல்லத் தளர்த்தியதை அடுத்து, அவர் அதனிடமிருந்து முழுமையாக விடுபட்டு அதை மீண்டும் கடலிலேயே தூக்கி வீசினார். இந்த ஆபத்தான நொடிகளை அங்கிருந்த மற்றொருவர் தனது செல்லிடப்பேசியில் படம்பிடிக்க, தற்போது அந்த வீடியோ இணையதளங்களில் தீயாகப் பரவி பெரும் பரபரப்பை ஏற்படுத்தி வருகிறது.

பொதுவாக ஆக்டோபஸ்களுக்கு எட்டு கரங்களும், அவற்றில் நூற்றுக்கணக்கான ‘சக்ஷன் கப்’ (Suction Cups) எனப்படும் உறிஞ்சுக் கோப்பைகளும் இருக்கும். ஆபத்து என்பதை உணர்ந்தால் தன் கரங்களால் எதிரியை இறுக்கமாகப் பற்றிக்கொள்ளும் இயல்புடைய இந்த உயிரினம், மீனவரின் முகத்தை ஏன் இப்படிப் பற்றியது என்பது புதிராகவே உள்ளது. எவ்வாறாயினும், கடலுக்குச் செல்லும் மீனவர்கள் எதிர்கொள்ளும் அன்றாட ஆபத்துகளுக்கும் சவால்களுக்கும் இந்தச் சம்பவம் மற்றொரு சான்றாக அமைந்துள்ளது.