புகழ் போதையா?… நீட் போராட்டம் வெறும் நாடகமா?… பிக் பாஸ் 20-ல் நுழையும் ரியா அஹிர்… கொந்தளிக்கும் நெட்டிசன்கள்…!!

சமீபத்தில் நாடு முழுவதும் பெரும் அதிர்வலையை ஏற்படுத்திய நீட் தேர்வு வினாத்தாள் கசிவு குறித்த போராட்டத்தின் மூலம் இணையத்தில் ஒரே இரவில் பிரபலமானவர் மாடல் ரியா அஹிர். மும்பையில் நடந்த இந்த மாணவர் ஆர்ப்பாட்டத்தின் போது, கைதானவர்களை ஏற்றிச் சென்ற காவல் துறை வாகனத்தை துணிச்சலாக மறித்து நின்ற இவரது வீடியோ சமூக வலைத்தளங்களில் வைரலாகப் பரவியது. இந்த நிலையில், தற்போது இவர் பிரபல ரியாலிட்டி நிகழ்ச்சியான ‘பிக் பாஸ் 20’ சீசனில் ஒரு போட்டியாளராக நுழைய வாய்ப்புள்ளதாக வெளியாகி இருக்கும் தகவல்கள் புதிய சர்ச்சையை கிளப்பியுள்ளன.

ரியா பிக் பாஸ் நிகழ்ச்சிக்கு செல்லவிருக்கும் செய்தி வெளியானதை தொடர்ந்து, நெட்டிசன்கள் பலரும் அவரை இணையத்தில் கடுமையாக விமர்சித்து வருகின்றனர். மாணவர்களின் உரிமைக்காகவும், நீதிக்காகவும் அவர் குரல் கொடுத்தது வெறும் நாடகம் என்றும், பிரபலமடைவதற்காகவும் இத்தகைய தொலைக்காட்சி நிகழ்ச்சிகளில் வாய்ப்பு பெறுவதற்காகவுமே அவர் அவ்வாறு நடந்து கொண்டார் என்றும் குற்றஞ்சாட்டுகின்றனர். மாணவர்களின் தீவிரமான ஒரு போராட்டத்தை தனது சுய லாபத்திற்காக அவர் பயன்படுத்தியதாகக் கருதி சமூக வலைத்தளங்களில் பலரும் தங்களது கடும் அதிருப்தியை வெளிப்படுத்தி வருகின்றனர்.

மும்பையைச் சேர்ந்த மாடலும், நடிகையுமான ரியா, ராணுவப் பின்னணியைக் கொண்ட குடும்பத்தைச் சேர்ந்தவர். தற்போது பிக் பாஸ் நிகழ்ச்சியில் நுழைவதற்கான வாக்கெடுப்பில் தனக்கு வாக்களித்து ஆதரவளிக்குமாறு அவர் மக்களிடம் சமூக வலைத்தளங்கள் வாயிலாக கோரிக்கை விடுத்துள்ளார். என்னதான் அவர் தனக்கான ஆதரவை திரட்டி வந்தாலும், பொதுப் பிரச்சனையை தனக்கான விளம்பரமாக மாற்றிக் கொண்ட அவரது இந்தச் செயலை மக்கள் தொடர்ந்து கேலியும், விமர்சனமும் செய்து வருவது இணையத்தில் பேசுபொருளாக மாறியுள்ளது.