சிறுக சிறுக சேர்த்த பணம்… மகளின் கனவை நிறைவேற்ற சாக்கு பையில் நாணயங்களை அள்ளிச் சென்ற தந்தை… நெகிழ வைக்கும் சம்பவம்…!

சத்தீஸ்கர் மாநிலத்தில் தந்தை ஒருவர் தன்னுடைய மகளின் விருப்பத்தை நிறைவேற்றுவதற்காக நாணயங்களை சேர்த்து ஸ்கூட்டர் வாங்கி கொடுத்த சம்பவம் காண்போரை நெகிழ வைத்துள்ளது. சத்தீஸ்கர் மாநிலம் ஜாஸ்பூர் மாவட்டத்தில் உள்ள ஒரு இருசக்கர வாகன ஷோரூமில் இந்த சம்பவம் நிகழ்ந்துள்ளது. அப்பகுதியை சேர்ந்த பஜ்ரம் ராம் என்பவருடைய மகள் சம்பா பகத் என்பவர் ஒரு லட்சம் ரூபாய் மதிப்புள்ள ஸ்கூட்டரை வாங்க ஆசை பட்டுள்ளார். ஏழை விவசாயியான ராம் தன்னுடைய மகளின் விருப்பத்தை நிறைவேற்ற வேண்டும் என்பதற்காக ஒவ்வொரு நாளும் ஒரு தகர பெட்டியில் நாணயங்களை சேர்த்து வைத்துள்ளார்.

சுமார் ஆறு மாதங்களுக்கு மேலாக தன்னால் முடிந்த அனைத்தையும் சேமித்து நாணயங்களை ஒரு சாக்கு பையில் போட்டு ஹோண்டா ஷோரூம்க்கு எடுத்துச் சென்றுள்ளார். அதனைப் பார்த்த ஊழியர்கள் அனைவரும் ஆச்சரியப்பட்டனர். ஆனால் நாணயங்கள் நிறைந்த பைக்கு பின்னால் இருக்கக்கூடிய கதையை கேட்டு அனைவருமே ஆச்சரியத்தில் பிரம்மிப்பாக பார்த்தனர். இதனைக் கண்ட ஷோ ரூம் இயக்குனர் நெகிழ்ச்சி அடைந்து, இது பணத்தைப் பற்றியது அல்ல, ஒரு கடின உழைப்புக்கு மரியாதை அளிப்பது பற்றியது, அர்ப்பணிப்பை கொண்ட ஒருவருக்கு சேவை செய்வது மரியாதை என்று கூறியுள்ளார்.

இதனைத் தொடர்ந்து நாணயங்கள் எண்ணப்பட்ட நிலையில் 40 ஆயிரம் ரூபாய்க்கு நாணயங்கள் இருந்ததால் மீதமுள்ள தொகைக்கு கடன் பெறலாம் என்று அந்த விவசாயி கூறியுள்ளார். ஆவணங்கள் முடிந்ததும் அவருடைய மகளிடம் புதிய ஹோண்டா ஆக்டிவாவின் சாவி ஒப்படைக்கப்பட்டது. அதன் பிறகு இது என் வாழ்க்கையின் மகிழ்ச்சியான நாள் என்று விவசாயியின் மகள் கூறிய நிலையில் இந்த சம்பவம் அங்கிருந்து அனைவரையும் பிரமிப்பில் ஆழ்த்தியது